ဘလော့ပို့များကို ပြန်လည် စီစစ်ပြီး စာဖတ်သူများ ရှာဖွေရ လွယ်ကူစေရန် ဘေးဘက် မီနူးများကို ပြန်လည် ပြုပြင်နေပါတယ်။ နောင်တွင် မိမိကိစ္စကို ဘေးမီနူးတွင် လွယ်ကူစွာ ရှာဖွေနိုင်ရန်အတွက် ရည်ရွယ်ပါသည်

ကြီးပွားချမ်းသာ တိုးတက်စေသော အဆောင်ပုံများ

မြန်မာ့ရိုးရာ ဗေဒင်ပညာ ရပ်တွေထဲမှာ လူသိများတဲ့ ပညာရပ်ကတော့ မဟာဘုတ် ဗေဒင်ပညာပါပဲ။ မြန်မာလူမျိုး တော်တော်များများဟာ မဟာဘုတ် ဆိုတာကို တော်တော်များများ ရင်းနှီးကြတယ်။ ပုတိဖွား ဘင်္ဂဖွား အထွန်းဖွား ဆိုတာလောက်တော့ လူတိုင်း သိကြတယ်။ တွက်တတ်ကြပါတယ်။

မဟာဘုတ်ပညာဟာ မခက်ပါဘူး။ လွယ်ကူပါတယ်။ ဒါပေမယ့် လေးနက်မှု့တွေပါတယ်။ နက်နဲတယ်။ သိမ်မွေ့တယ်။ ဒါကြောင့် မြန်မာလူမျိုး အထင်ကရ ဗေဒင်ပညာရှင်ကြီးတွေတောင် မဟာဘုတ်ပညာကို လက်မလွှတ်ကြပါဘူး။

ဒီနေ့ မျက်မှောက်ခေတ်မှာတော့ မဟာဘုတ်ပညာဟာ အသွင် ပြောင်းလဲလာတယ်။ ဟိုးအရင်တုန်းက သိကြတာက ဖွားဇာတာကို အဓိက ထားတယ်။ ပုတိ သဘော မကျော်ဇော။ မရဏဆိုရင် ဘာ အဲဒီလောက်ပဲ။ ဒါပေမယ့် မျက်မှောက်ခေတ် မှာကြတော့ ပညာရှင်ကြီးတွေရဲ့ ကျေးဇူးကြောင့် ကျွန်တော်တို့ဟာ မဟာပညာကို ကြယ်ဝန်းနက်ရှိုင်းစွာ လေ့လာခွင့်ရခဲ့ကြတယ်။

အခုဆိုရင် မဟာဘုတ်ပညာကို ကျွမ်းကျွမ်းကျင်ကျင် တတ်မြောက်ထားပြီး ဆိုတာနဲ့ လူတစ်ယောက်ရဲ့ အကြောင်း စိတ်နေစရိုက် ဘ၀ကံကြမ္မာ မျိုးစုံကို မြင်ကြည့်လို့ရပါပြီ။ အခု ကျွန်တော် ပြောပြချင်တာက မဟာဘုတ်ပညာနှင့် အဆောင်ပုံအကြောင်းပါ။ ဘာကြွင်းရင် ဘာပုံဆောင်လို့ရလဲ။ အိပ်ဆောင် အဆောင်ပုံလေးတွေ ဆောင်ထားလို့ ရတယ်။ ဒါမှမဟုတ် ပန်းချီဆွဲပြီး အိမ်မှာ ချိပ်ဆွဲထားလို့ ရတယ်။ ဒါမှမဟုတ် မိမိတို့ရဲ့ ကုမ္ပဏီတို့ အလုပ်ရုံတို့ ဈေးဆိုင်တို့မှာ ပန်ချီဆွဲပြီး ချိပ်ထားလို့ ရပါတယ်။

•    (၁)ကြွင်းသူများ-နတ်သမီးပုံ။
•    (၂)ကြွင်းသူများ-နတ်သားရွှေအိုးထမ်းနေပုံ။
•    (၃)ကြွင်းသူများ-တံခွန်းလုံး စိုက်ထားတဲ့ အောင်အိုး။
•    (၄)ကြွင်းသူများ-ငွေအိုးစည်။
•    (၅)ကြွင်းသူများ-စိန်စီတဲ့ခေါင်းလောင်း။
•    (၆)ကြွင်းသူများ-မေမြို့ပန်းတွေ ဝေနေအောင်ထိုးထားတဲ့ စိန်စီထားတဲ့ ဖလား။
•    (၇)ကြွင်းသူများ-သပြေပန်းတွေ ဝေနေအောင်ထိုးထားတဲ့ ဖလား။


မဟာဘုတ်တွက်နည်း မတွက်တတ်ပါက ဒီလင့်မှာ သွားရောက်ပြီး မိမိ မြန်မာ မွေးသက္ကရာဇ်နှင့် မွေးနေ့ကို ရိုက်ထည့်လိုက်ရုံနှင့် မိမိ အကြွင်းနှင့် မဟာဘုတ်ကို လွယ်ကူစွာ တွက်လို့ ရရှိနိုင်ပါတယ်။ မဟာဘုတ် အကြွင်းသိတာနှင့် အထက်ပါ အဆောင်ပုံများကို ပန်းပုဆိုင်တွင် ကျကျနန သွားရောက်ပြီး စနစ်တကျ ပုံစံတကျ ထုလုပ်ခိုင်းပြီး မိမိတို့ လုပ်ငန်း ဆောင်တာများတွင် ထားရှိ ဆောင်ထားလို့ ရပါသည်။

မကျန်းမာလျှင် ဓာတ်ဆင်၍ ကုသနည်း

မကျန်းမာသော အခါ၌ ထိုမကျန်းမာသော သူ၏ အရပ်နှင့်တိုင်း၍ ၀ါးလုံး တစ်လုံးကို ဖြတ်မည်။ ထိုဝါးလုံးကို လူနာနှင့် ယှဉ်တွဲ၍ သိပ်ရမည်။ လူနာ၏ မွေးနေ့တွင် အတူတွဲ သိပ်လျှင် ပို၍ကောင်းသည်။ လူနာသည် တနင်္ဂနွေ သားဖြစ်ပါက တနင်္ဂနွေနေ့ညတွင် သိပ်ရမည်။ တနင်္လာသားသမီးဖြစ်ပါက တနင်္လာနေ့တွင် သိပ်ရမည်။

ထို့ပြင် တစ်ထွာခန့်ရှိသော ပိတ်ဖြူအိပ်ကလေး (၃)လုံးချုပ်၍ ၀ါးလုံး၏အဖျား ၀ါးလုံး၏အလယ် ၀ါးလုံး၏အရင်းတွင် ချိတ်ထားရမည်။ ထိုအိပ်ကလေးများထဲတွင် ဆန်လက်တစ်ဆုပ်ဆီ ထည့်ထားရမည်။ အဖျားတွင် ချိပ်ထားသော အိပ်ထဲသို့ လူနာ၏ ဆံပင်အနည်းငယ် ညှပ်၍ ထည့်ရမည်။ အလယ်တွင် ချိပ်ထားသော အိပ်ထဲသို့ လူနာ၏ လက်သည်းများ ညှပ်၍ ထည့်ရမည်။ အရင်းတွင် ချိပ်ထားသော အိပ်ထဲသို့ လူနာ၏ ခြေသည်းများ ညှပ်၍ ထည့်ရမည်။

ထိုဝါးလုံးကို အဖျားတွင် လူနာ၏ အင်္ကျီပတ်ပေးရမည်။ အောက်ပိုင်းတွင် လူနာ၏ လုံချဉ်ပတ်ပေးရမည်။ အရင်းတွင် လူနာ၏ ဖိနပ် စွတ်ပေးထားရမည်။ လူနာ၏ နာမည်နှင့် မွေးသက္ကရာဇ် အပြည့်အစုံကို စက္ကူတွင် ရေး၍ အိပ်တစ်လုံးစီတွင် ထည့်ပေးထားရမည်။

အချို့ဆရာများသည် ထိုအိပ်သုံးလုံးတွင် အမြစ်အင်း အပင်းအင်း အညွန့်အင်းများချ၍ ထည့်ပေးလေ့ရှိ၏။ ဤမျှအထိ မလိုပါ။ မနက်မိုးလင်းသောအခါတွင် ရေစီးသော မြစ်ချောင်းစသည်တွင် ထိုဝါးလုံးကို မျှောပစ်ရမည်။ စွပ်ပေးထားသော ဖိနပ်ကိုပါ မျှောပစ်ရမည်။ ၀ါးလုံးတွင် ပတ်ထားသော အ၀တ်များကိုပါ မျှောပစ်ရမည်။ ဆန်အိပ်များကိုလည်း မျှောရာတွင် ထည့်ပေးလိုက်ရမည် ဖြစ်၏။

အချို့ဆရာများသည် ထိုကိုယ်စားပစ်သော ၀ါးလုံးကို လူနာ၏ ဘုမ္မိအရပ်သို့ ပစ်လေ့ရှိ၏။ ကျွန်ုပ်အနေနှင့်မူ ရေမျှောခြင်းကို ပို၍ နှစ်သက်ပါသည်။ ထိုသို့ ပြုလုပ်လျှင် ကျန်းမာရေးသည် သိသိသာသာကောင်း၍ ထူထူထောင်ထောင် ဖြစ်လာသည်ကို မကြာခဏ တွေ့ကြုံဖူးပါသည်။ (မူရင်း-အဘမင်းသိင်္ခ)

မနောမယအိမ်ခြံမြေရောင်းနည်း

 မှတ်ချက် - အောက်ပါ အရောင်းအ၀ယ်အတွက် ယတြာနည်းသည် အသက်နှင့် ကြည့်ပြီး လုပ်ရသော ယတြာနည်း ဖြစ်ပါသည်။  တစ်နေ့သ၌ ကျွန်ုပ်ထံသို့ ကမ္ဘာအေး ဘုရားေ စာင်းတန်းတွင်  ဗေဒင်ဟောသော ဗေဒင်ဆရာ စောရန်နိုင်ဆိုသူ ရောက်ရှိလာလေ၏ ။ ထိုစောရန်နိုင်မှာ ယခင်က ဆည်မြောင်းတွင် အလုပ်လုပ်ခဲ့သော ၀န်ထမ်းတစ်ဦးဖြစ်၏။ နောင်တွင် ကျွန်ုပ်ထံ၌ လောကီပညာ များ ဆည်းပူးကာဗေဒင် လကဏ္ခာဟောပြောခြင်းဖြင့် အသက်မွေး ခဲ့လေ၏ ။ သူသည် ကျွန်ုပ်ကိုတွေ့လျှင်တွေ့ ချင်း “ဆရာကြီးနေကောင်းရဲ့ လား” ဟု မေးလေ၏ ။ထိုအခါ ကျွန်ုပ်က ပြုံးရယ်လျက် “ကိုယ့်လူတို့ကလည်း ကျုပ်ကို ဆရာကြီး ဆရာကြီးခေါ်နေကြတာနဲ့ ကျုပ်တောင် အသက်ကြီးလာပြီ”ဟု ကျွန်ုပ်က ပြောလိုက်ရာ ၎င်းေ စောရန်နိုင်ဆိုသော ဗေဒင်ဆရာ “ဆရာကလည်း အသက်ကြီးလာပြီလို့ မပြောပါနဲ့ မုတ်ဆိတ်မွေး၊ နှုတ်ခမ်းမွေးတောင် ဖြူနေမှပဲ။ အဲဒါကို ထောက်ပြီး ကျွန်တော်တို့ လူငယ်တွေက ဆရာကြီးလို့ ခေါ်သင့်တာပေါ့။ ဟု ပြောလိုက်လေ၏။

ထို့ကြောင့် ကွန်ုပ်က “ကဲ. . . ထားပါတော့လေ။ ကိုယ့်လူတို့  ခေါ်ချင်သလိုသာ ခေါ်ပါ။ ရောက်ရောက်ချင်း မေးတဲ့မေးခွန်းကိုတော့ ဖြေရဦးမယ်။

အဲဒါ ဘာလဲဆိုတော့ နေကောင်းရဲ့ လားဆိုတဲ့ မေးခွန်းပဲ” ဟု ကျွန်ုပ်က ပြောလိုက်သဖြင့် “မဖြေလည်း ရပါတယ်။ ဒါက ဆရာကြီး နေကောင်းသလား။ နေမကောင်းဘူးလားဆိုတာ အရေးမကြီးပါဘူး။ လူလူချင်းတွေ့ရင် မေးလေ့ရှိတဲ့ မေးခွန်းမို့လို့ မေးတာပါ။ နေမကောင်းရင်လည်း ဆရာဝန်ခေါ်လိုက်ပေါ့။ နေကောင်းရင်လည်း ကိုယ့်ဟာကိုယ် ဆက်ပြီးနေ။ ကျွန်တော်တကယ်သိချင်တာက အဲဒါမဟုတ်ဘူး။

ဆရာကြီးက ရောင်ပြန်မဂ္ဂဇင်းမှာ “မော်တော်ကားရောင်းချင်လို့” ဆိုတဲ့ ကားရောင်းချင်တဲ့ အလူအတွက် ယတြာဆောင်းပါးလေး ဖတ်လိုက်ရတယ်။ တကယ်က ကားရောင်းချင်တဲ့လူက များပါတယ်။ အဲဒီတော့ မဂ္ဂဇင်းစာုပ်ထဲမှာ အဲ့ဒီအကြောင်းအရာကို ဆရာကြီး ရေးတာ မရေးတာ အပထား။ ကျွန်တော်ကသိပ်ပြီး သိချင်တယ်။ သိချင်တာလည်း တခြားကြောင့်မဟုတ်ပါဘူး။ ကျွန်တော်ဆီကို ဗေဒင်လာမေးတဲ့ ပရိသတ်က အဲ့ဒီကိစ္စ ကိုအများစုမေးကြတာခင်ဗျ” ဟုပြောလိုက်လေ၏။ “ ဒီလို စောရန်နိုင်ရဲ့ အရောင်းအ၀ယ်ကိစ္စတစ်ခုဟာ ကိုယ်ရောင်းချင်တိုင်း ရောင်းလို့ရတာ မဟုတ်ဘူး။ ဥပမာကွာ. . အိမ်ရောင်းချင်တယ် ဆိုပါတော့။ မင်းရောင်းမယ့်အိမ်ဟာ မကြာခင်ပြောင်းရ။

ရွှေ့ ရမယ်နေရာမျိုးက အိမ်ဆိုရင်တော့ ဘယ်သူမှ ၀ယ်မှာမဟုတ်ဘူး။ ဆချို့ နေရာမျိုးဆိုရင် ကိုယ့်အိမ်ကသုံးသိန်းလောက်တန်တာ။ သူများ အိမ်ရောင်းလို့ သိန်းသုံးဆယ်လောက်ရ တယ်ဆိုတာနဲ့ ကိုယ်ကလည်းသိန်းသုံးဆယ်လိုချင်လို့တော့ မရဘူး။ ငါ့ဆီကိုကြာဆံဖိုလုပ်တဲ့ အဘိုးကြီးတစ်ယောက်ဟာ သူ့ရဲ့ မြေကွက်ကို သိန်းငါးဆယ်နဲ့ ရောင်းချင်လို့ပါ ဆ်ိုပြီး ယတြာလာပြီးလုပ်ခိုင်းတယ်ကွာ။ ငါက အဲဒီနေရာမှာ အဲဒီ ဈေးရနိုင်ပါ့မလားလို့မေးတော့ သူက သူ့မြေဟာ ပေနှစ်ရာပတ်လည် ရှိတယ်တဲ့။ ပေတစ်ရာပတ်လည်ခြံကလေးတစ်ကွက်တောင် သူ့မိတ်ဆွေတစ်က သိန်းသုံးရာနဲ့ ရောင်းသွားတယ်တဲ့။ အဲဒီလို သူကပြောတယ်။ အဲဒါနဲ့ ငါက ပေတစ်ရာပတ်လည်ကို သိန်းသုံးရာနဲ့ ဘယ်ရောမှာ ရောင်းသွားတာလဲလို့မေးတော့ အင်းလျားမှာလို့ သူက ပြန်ပြီး ဖြေတယ်။ အဲဒီတော့ ငါက ပြန်ဲပီး ပြောတယ်။ အင်းလျားမှာ သိန်း

သုံးရာဆိုတာ နည်းတာပေါ့။ ဒီထက်ပိုပြီး ရသင့်တယ်။ ခင်ဗျားမြေက မြို့ အစွန်၊ ငမိုးရိပ်ချောင်းနံဘေးမှာ ဘယ်လိုလုပ်ရမှာတုံး။ မြေရဲ့ တန်ဖိုး ဆိုတာ အကျယ်အ၀န်းပေါ်မှာ စကားပြောတာ မဟုတ်ဘူး။ နေရာပေါ်မှာလည်း စကားပြောတယ်။ ရီစင်နေဘာ ပရိုက်(စ်) သဘာဝကျတဲ့ ဈေးနှုန်းတော့ ဖြစ်ရမယ်နော်။ ယတြာ စွမ်းတယ်၊ ဓာတ်ရိုက်စွမ်းတယ်ဆိုပြီး တစ်ကျပ်တန်ကို တစ်ဆယ်နဲ့တော့ ရောင်းလို့ မရဘူးနော်။ အဲဒီလို
ရောင်းလို့ ရတယ်ဆိုရင်လည်းပဲ သူများကို လုပ်မပေးဘူး၊ ငါ့ဆီက တန်းမရှိတဲ့ ပစ္စည်း အစုတ်အပြတ်တွေကို ဓာတ်ရိုက်ပြီး ရောင်းပစ်မယ်”ဟု ကျွန်ုပ်က ပြောလိုက်လျှင် ဗေဒင်ဆရာ  စောရန်နိုင်သည် ဗိုလ်အောင်ဒင် ရယ်သည့်အသံမျိုးဖြင့် ကျွန်ုပ်အား မခိုးမခန့် ရယ်ကာ

“ ဒါကြောင့် လူတွေက ပြောတာပေါ့။ ခင်ဗျားတို့ ဆရာပြီးနဲ့ စကားပြောရတာ သိပ်ပြီး လက်ပေါက် ကပ်တယ်လို့ ပြောတာ” ဟု ပြောလေ၏။ “လက်ပေါက်ကပ်တာ မဟုတ်ဘူး။ လူအတော်များများဟာ အလို့နဲ့ စဉ်းစားတတ်ကြတယ်။ အဲဒီမှာ အံချော်ကုန်တာ များတယ်။ ဒါကြောင့်န ဂိုကတည်းကရှင်းအောင်ပြောထားတာ။ ရှင်းအောင်ပြောတာကို လက်ပေါက်ကပ်တယ် ထင်ရင်တော့ မတတ်နိုင်ဘူး ငါ့လူရေ”

ဟု ကျွန်ုပ်က ပြောလိုက်လေ၏။ ထိုအခါ ဗေဒင်ဆရာ စောရန်နိုင်က “ဒီလို ဆရာရဲ့  ကျွန်တော်လည်း ဗေဒင်လောကနေတာပဲဗျာ။ ဆရာပြောသလို တစ်ကျပ်တန်ကို တစ်ဆယ်ရအောင်ရောင်းဖို့တော့ ဘယ်ခိုင်းပါ့မလဲဗျာ။ သူ့ဈေးနဲ့ သူသွက်သွက်လက်လက်လေး အရောင်းအ၀ယ်ဖြစ်ဖို့ပဲ ပြောတာပဲ” ဟု ပြောလေ၏။ ထိုအခါ ကျွန်ုပ်က “အဲဒါ ဒီလိုလုပ်ရမယ်။ အသက်အရွယ် အပိုင်းအခြားနဲ့ လိုက်ပြီး ယတြာလုပ်ရမယ်။ နောက်ပြီးတော့ အိမ်ရောင်းတာနဲ့ မြေရောင်းတာဟာ မတူဘူးနော်။ တချို့ က မြေပေါ်မှာ အိမ်တော့ ပါတယ်။ ဒါပေမဲ့ အိမ်က အဓိကမဟုတ်ဘူး

နော်။ မြေက ပိုပြီး တန်ဖိုးရှိတယ်။ အဲဒါမျိုးဆိုရင် မြေကို ဦးစားပေးပြီး စီမံရတယ်။ တချို့ ကတော့ မြေပေါ်မှာ အိမ်ကို အပြည့် ဆောက်ထားတယ်။ အဲဒါကျတော့ မြေရောင်းတာ မဟုတ်ဘူး။ အိမ်ရောင်းတာလို့ သဘောထားရမယ်။ အိမ်ကလည်းတန်ဖိုးရှိတယ်။ မြေကလည်း တန်ဖိုး ရှိတယ် ဆိုရင်တော့ အိမ်ကို ဦးစားပေးပြီး စီမံမယ်” ဟု ကျွန်ုပ်က ပြောလိုက်လေ၏ ။ ထိုအခါ၌ ဗေဒင်ဆရာစောရန်နိုင်သည် ကျွန်ုပ်၏ မျက်နှာကိုကြည့်၍ ကိုးမီးဖဲကစားရာ၌ ဖဲနှစ်ချပ် တစ်ဆယ့်တစ်ရပြီးနောက် နောက်ဆုံးဖဲကို ပါတ်ကြည့်ရာ ဘေးသုံးတန်းဖြစ်နေသောအခါမျိုး၌ မခိုးမခန့်လုပ်တတ်သော ဖဲသမားတစ်ဦး၏ မျက်နှာမျိုးဖြင့် “ဆရာကြီးကလည်း ကျွန်တော့်ကို သိပ်ပြီး အထင်သေးတာပဲ။ အဲဒီလောက်တော့ သိပါတယ်”

ဟု မခိုးမခန့်လေသံမျိုးဖြင့် ပြောပြန်လေ၏။ ထို့ကြောင့် ကျွန်ုပ်က “အဲဒီလောက်ထိ သိရင်တော့ ဆက်ပြီးပြောမယ်” ဟု စကားစလိုက်လျှင်၎င်း စောရန်နိုင်က “အဲဒီလောက် မသိရင် မပြောတော့ဘူးလား” ဟု မေးလေ၏ ။ “ ဒီလောက်မှ မသိရင် ပြောလို့ မရဘူး ကိုယ့်လူရေး ကဲ. . .ကဲ. . . ကိုယ်ပြောတာကို နားထောင်ပါ ။ ဒါမှမဟုတ်ရင်လည်း ငြိမ်ငြိမ်လေး ထိုင်နေပါ။ ကိုယ်စာရွက်တစ်ရွက်မှာ ရေးပြမယ်” ဟု ပြောပြီးလျှင်

ကျွန်ုပ်သည် စာရွက်ယူကာ အိမ်၊ မြေရောင်း၍ အမြန် ထွက်စေသော နည်းကို အောက်ပါ အတိုင်း ရေးပြခဲ့လေ၏ ။

အသက် ၂၂၊ ၂၉၊ ၃၆၊ ၄၃၊ ၅၀၊ ၅၇၊ ၆၄၊ ၇၁၊ အရွယ်ရှိသောသူများ အိမ်ရောင်းလိုသော် 

အမျိုးသားဖြစ်သော် ကံ့ကော်ညွန် နှစ်ညွန့်ကို အင်္ကျီ အိတ်တွင် ထည့်ပါ။ အမျိုးသမီးဖြစ်သော် ကံ့ကော်ညွန့် နှစ်ညွန့်ကို ခေါင်းတွင်ပန်ပါ ။ ပြီးလျှင် (သရက်သီးအမှည့်ဖြစ်စေ၊ အစိမ်းဖြစ်စေ) ကို ခြောက်စိတ်စားပါ ။ စားပြီးလျှင် ဒန်းကြီးညွန့်ကို အိမ်မှ ဘုရား၌ပင် လှူဒါန်း၍ မိမိအိမ်ရောင်းရလိုကြောင်းလေးနက်စွာ ဆုတောင်းပါ။ ပြုလုပ်ရမည့်နေ့၊ အချိန်မှာ မိမိမွေးနေ့ နံနက် ၉း၄၅ နာရီတွင် ပြုလုပ်ပါ။ (ဥပမာအားဖြင့် တနင်္ဂနွေသားသမီးဆိုလျှင် တနင်္ဂနွေနံနက် ၉း၄၅ နာရီတွင် ပြုလုပ်ပါ) မိမိရောင်းလိုသော အိမ်၏ ဈေးနှုန်းကို ၅ ဂဏန်း ကိုက်အောင် ခေါ်ပါ။ (ဥပမာ ၉ သိန်းဖြင့် ရောင်းလိုသော အိမ်အား ၉ သိန်းဟု ၅ သောင်းဟု ဈေးခေါ်လျှင် ၉ နှင့် ၅ ပေါင်းက ၁၄ ရ၏ ၁ နှင့် ၄ ပေါင်းလျှင် ၅ ပင်ရ၏ ။ ထို့အတူ သိန်း ၈၀ ဖြင့် ရောင်းလိုသော မြေအား သိန်း ၈၀ ဟု ဈေးမခေါ်ပါနှင့်။ ၈၆ သိန်းဟု ခေါ်ပါ။ ၈ + ၆= ၁၄. ၁+ ၄= ၅ ဖြစ်၏ ။ ဤမျှလောက်ဆိုလျှင် သဘောပေါက်လောက်ပေပြီ)

အသက် ၂၂၊ ၂၉၊ ၃၆၊ ၄၃၊ ၅၀၊ ၅၇၊ ၆၄၊ ၇၁၊ အရွယ်ရှိသောသူများ မြေရောင်းလိုသော်

အမျိုးသားရော၊ အမျိုးသမီးပါ ဆီးရွက် ၃ ရွက်ကို လက်ဝဲဘက်ခြေထောက်ဖြင့်နင်း၍ နွားနို့ကျိုပြီးသား တစ်ဖန်ခွက်ကို သောက်ပါ။ ပြီးလျှင်ကတက်ညွန့်ကို အိမ်မှဘုရားတွင် ပန်းအဖြစ်လှူဒါန်းပါ။ ထိုသို့လှူဒါန်းပြီးက မိမိရောင်းလိုသော မြေ အမြန်ဆုံးရောင်းရစေရန်ဆုတောင်းပါ

ဤယတြာကို ပြုလုပ်သူသည် တနင်္လာ၊ ကြာသပတေး သောကြာသားသမီးများဖြစ်က တစ်ကြိမ်သာ ပြုလုပ်ရပါမည်။ တနင်္ဂနွေ၊ အင်္ဂါ၊ ဗုဒ္ဓဟူး၊ စနေသားသမီးများဖြစ်က နှစ်ကြိမ်ပြုလုပ်ရပါမည်။

အသက် ၂၃၊ ၃၀၊ ၃၇၊ ၄၄၊ ၅၁၊ ၅၈၊ ၆၅၊ ၇၂၊ အရွယ်ရှိသော သူများ အိမ်ရောင်းလိုသော်

အမျိုးသားဖြစ်က ကံ့ကော်ညွန့် နှစ်ညွန့်ကို အိတ်ိထဲတွင်ထည့်၍ ထားရမည်။ အမျိုးသမီးဖြစ်က ကံ့ကော်ညွန့်နှစ်ညွန့်ကို ခေါင်းတွင်ပန်ထားရမည်။ ပြီးလျှင် ပဲကြော်ကို အနည်းငယ်စားရမည်။ ပြီး စိန်ခြယ်ပန်းသုံးပွင့်၊ အုန်းညွန့် တစ်ညွန့်ကို ပူးပေါင်း၍ အိမ်မှဘုရားတွင် လှူဒါန်းရ မည်။ ထိုသို့ လှူဒါန်းပြီးလျှင်မိမိအိမ် အမြန်ဆုံးရောင်းထွက်လိုကြောင်း ဆုတောင်းပါ။ ဈေးနှုန်းကို ၆ ဂဏန်းကိုအောင် ခေါ်ပါ။ ထိုယတြာကို မိမိမွေးနေ့ နံနက် ၉း၄၅ နာရီတွင် ပြုလုပ်ပါ။

အသက် ၂၃၊ ၃၀၊ ၃၇၊ ၄၄၊ ၅၁၊ ၅၈၊ ၆၅၊ ၇၂၊ အရွယ်ရှိသော သူများ မြေရောင်းလိုသော်

အမျိုးသားဖြစ်က ဒန်းညွန့်တစ်ညွန့်ကို အင်္ကျီးအိတ်တွင်ဆောင်ပါ။ အမျိုးသမီးဖြစ်က ဒန်းညွန့်တစ်ညွန့်ကို ခေါင်းတွင်ပန်ထားပါ။ ပြီးလျှင် ကော်ဖီတစ်ခွက်သောက်ပါ။ ထိုနောက် သြဇာညွန့် ၃ ညွန့်ကို အိမ်မှဘုရားတွင် လှူဒန်းပါ။ ဈေးနှုန်းကို ၆ ဂဏန်းကိုက်အောင်ခေါ်ပါ။

ဤယတြာကို အင်္ဂါ။ သောကြာ၊ စနေ၊သားသမီးများဖြစ်က တစ်ကြိမ်သာ လုပ်ရမည်။ တနင်္ဂနွေ၊ တနင်္လာ၊ ဗုဒ္ဓဟူး၊ ကြာသပတေးဖြစ်က နှစ်ကြိမ်လုပ်ပါ။

အသက် ၂၄၊ ၃၁၊ ၃၈၊ ၄၅၊ ၅၂၊ ၅၉၊ ၆၆၊ ၇၃ အရွယ်ရှိသော သူများ အိမ်ရောင်းလိုသော်

အမျိုးသားဖြစ်က ဒန်းညွန့်တစ်ညွန့်ကို အိတ်ထဲတွင်ဆောင်းထားပါ။ အမျိုးသမီးဖြစ်က ဒန်းညွန့် တစ်ညွန့်ကို ခေါင်းတွင် ပန်ထားပါ။ရေသောက်ပြီးလျှင် ရင်ကပ်ပန်း ၆ ညွန့်၊ ၆ ပွင့် သို့မဟုတ် လက်ခုပ်ညွန့် ၆ ညွန့်ကို ဘုရားတွင် လှူ၍ မိမိအိမ်ရောင်းလိုကြောင်း လေးနက်စွာဆုတောင်းပါ။ ၇ ဂဏန်းကိုအောင် ဈေးခေါ်ပါ။ ထိုယတြာကို မွေးနေ့ နံနက် ၉း၄၅ နာရီတွင် ပြုလုပ်ပါ။

ဤယတြာကို တနင်္ဂနွေ၊ ဗုဒ္ဓဟူး၊ စနေသားသမီးများတစ်ကြိမ်သာ ပြုလုပ်ရပါမည်။ တနင်္လာ၊ အင်္ဂါ၊ ကြာသပတေး၊ သောကြာသားသမီးများ နှစ်ကြိမ်လုပ်ရမည်။

အသက် ၂၄၊ ၃၁၊ ၃၈၊ ၄၅၊ ၅၂၊ ၅၉၊ ၆၆၊ ၇၃ အရွယ်ရှိသော သူများ မြေရောင်းလိုသော်

အမျိုးသားရော၊ အမျိုးသမီးပါ သရက်ရွက် ၆ ရွက်ကို လက်ဝဲလက်ခြေထောက်အောက်တွင် နင်း၍ ကော်ဖီတစ်ခွက် သောက်ပြီးလျှင် အိမ်မှ ဘုရား၌ ခရေညွန့်ကို လှူဒါန်း၍ ဤမြေအမြန်ရောင်းရစေကြောင်း ဆုတောင်းပါဤယတြာကို တနင်္ဂနွေ၊ ဗုဒ္ဓဟူး၊ စနေသားသမီးများ တစ်ကြိမ်သာ ပြုလုပ်ရပါမည်။ တနင်္လာ၊ အင်္ဂါ၊ ကြာသပတေး၊ သောကြာသားသမိးများ နှစ်ကြိမ်လုပ်ရမည်။

အသက် ၂၅၊ ၃၂၊ ၃၉၊ ၄၆၊ ၅၃၊ ၆၀၊ ၆၇၊ ၇၄ အရွယ်ရှိသောသူများ အိမ်ရောင်းလိုသော်

အမျိုးသားရော၊ အမျိုးသမီးပါ သရက်ရွက် ၆ ရွက်ကို လက်ယာခြေထောက်ဖြင့် နင်း၍ ဆီးသီး ၃ လုံးစားပါ၊ စံပယ်ပန်း ၂၇ ပွင့်ကို ပန်းကန်ပြားတွင်ထည့်၍ အိမ်မှ ဘုရားတွင်ကပ်လှူပူဇော်ပြီးလျှင် အိမ်ရောင်းရလိုကြောင်း၊ လေးနက်စွာဆုတောင်းပါ။ တန်းကို ၁၈ ဂဏန်းကိုက်အောင်ခေါ်ပါ။ ထိုယတြာကို မွေးနေ့နံနက် ၉း၄၅ နာရီတွင် ပြုလုပ်ပါ။

အသက် ၂၅၊ ၃၂၊ ၃၉၊ ၄၆၊ ၅၃၊ ၆၀၊ ၆၇၊ ၇၄ အရွယ်ရှိသောသူများ မြေရောင်းလိုသော်

သရက်ရွက် ၆ ရွက်ကို လက်ယာခြေထောက်ဖြင့် နင်း၍ အုန်းရေသောက်ပါ။ ပြီးလျှင် ပိုက်ဆံမတ်စေ့ ၈ စေ့ကို ပန်းကန်ပြားတွင်ထည့်၍ကပ်လှူပူဇော်ပါ။ ပြီးလျှင် မြေရောင်းရလို ကြောင်း လေးနက်စွာဆုတောင်းပါ။
ဤယတြာကို တနင်္ဂနွေ၊ တနင်္လာ၊ ကြာသပတေး၊ စနေ သားသမီးဖြစ်ပါက နှစ်ကြိမ်ပြုလုပ်ပါ။

အသက် ၂၆ ၃၃၊ ၄၀၊ ၄၇၊ ၅၄၊ ၆၁၊ ၆၈၊ ၇၅ အရွယ်ရှိသော သူများ အိမ်ရောင်းလိုသော်

အမျိုးသားဖြစ်ပါက စံပယ်ပန်း သုံးကုံးကို အိတ်ထဲထည့်ထားပါ။ အမျိုးသမီးဖြစ်ပါက စံပယ်ပန်းသုံးကုံးကို ပန်ထားပါ။ ပြီးလျှင် ပေါင်မုန့်အနည်းငယ်ကို စားပြီးလျှင် ရှောက်သီးတစ်လုံးအား အိမ်မှ ဘုရားတါင် လှူဒါန်းပါ။ မိမိအိမ်ရေားရလိုကြောင်း လေးနက်စွာ ဆုတောင်းပါ။တန်ဖိုးကို ၂ ဂဏန်းကိုက်အောင် ခေါ်ပါ။ ၎င်းယတြာကို မိမိမွေးနေ့၏ နံနက် ၉း၄၅ နာရီတွင်ပြုလုပ်ပါ။

အသက် ၂၆ ၃၃၊ ၄၀၊ ၄၇၊ ၅၄၊ ၆၁၊ ၆၈၊ ၇၅ အရွယ်ရှိသော သူများ မြေရောင်းလိုသော်

အမျိုးသားဖြစ်ပါက သပြေညွန့်ကို အိတ်ထဲတွင်ထည့်ပါ။ အမျိုးသမီးဖြစ်ပါက သပြေညွန့်တစ်ညွန့်ကို ခေါင်းတွင်ပန်ပါ။ ပြီးလျှင် သပျစ်သီး ၃ လုံးစားပြီးနောက် အီမ်မှ ဘုရား၌ သရက်သီးတစ်လုံး လှူဒါန်း၍ သို့မဟုတ် သရက်ရွက်တစ်ရွက် လှူဒါန်း၍ မြေရောင်းရလိုကြောင်း အလေးနက်ဆုတောင်းပါလေ။ ဤယတြာကို တနင်္လာ၊ အင်္ဂါ၊ သောကြာ သားသမီးဖြစ်ပါက တစ်ကြိမ်ပြုလုပ်ပါ။ တနင်္ဂနွေ၊ ဗုဒ္ဓဟူး၊ ကြာသပတေးစနေ သားသမီးဖြစ်ပါက နှစ်ကြိမ်ပြုလုပ်ပါ။

အသက် ၂၇၊ ၃၄၊ ၄၁၊ ၄၈၊ ၅၅၊ ၆၂၊ ၆၉၊ ၇၆ အရွယ်ရှိသော သူများ အိမ်ရောင်းလိုသော်

အမျိုးသားဖြစ်စေ အမျိုးသမီးဖြစ်စေ ကံ့ကော်ညွန့် နှစ် ညွန့်ကို လက်ဝဲခြေထောက်ဖြင့်နင်း၍ ပေါင်မုန့်အန်ညးငယ်ကို စားပြီးလျှင် အိမ်မှဘုရား၌ ပိတောက်ညွန့် ၅ ညွန့်ကို လှူဒါန်းပြီးလျှင် အိမ်ရောင်းရလိုကြောင်း အလေးအနက် ဆုတောင်းပါ။ ဈေးနှုန်းကို ၃ ဂဏန်းကိုက်အောင် ဆုတောင်းပါ။ ဤယတြာကို မိမိမွေးနေ့ နံနက် ၉း၄၅ နာရီတွင် ပြုလုပ်ပါလေ။

အသက် ၂၇၊ ၃၄၊ ၄၁၊ ၄၈၊ ၅၅၊ ၆၂၊ ၆၉၊ ၇၆ အရွယ်ရှိသော သူများ မြေရောင်းလိုသော်

အမျိုးသားဖြစ်လျှင် သပြေတစ်ညွန့်ကို အင်္ကျီအိတ်အတွင်းတွင် ထည့်၍ အမျိုးသမီးဖြစ်က သပြေတစ်ညွန့်ကို ခေါင်းတွင်ပန်ပါ။ ထို့နောက် ကြံသကာအနည်းငယ်စားပြီးလျှင် တမာညွန့် ၇ ညွန့်ကို ဘုရားတွင် လှူဒါန်းပြီး မြေရောင်းလိုကြောင်းကို လေးလေးနက်နက်ဆုတောင်းပါ။ အင်္ဂါ၊ ဗုဒ္ဓဟူး၊ စနေသားသမီးဖြစ်ပါက ဤယတြာကို တစ်ကြိမ်သာ ပြုလုပ်ပါ။ တနင်္ဂနွေ၊ တနင်္လာ၊ ကြာသပတေး၊ သောကြာသားသမီးဖြစ်က နှစ်ကြိမ်ပြုလုပ်ပါ။

အသက် ၂၈၊ ၃၅၊ ၄၂၊ ၄၉၊ ၅၆၊ ၆၃၊ ၇၀၊ ၇၇ အရွယ်ရှိသော သူများ အိမ်ရောင်းလိုသော်

အမျိုးသားဖြစ်စေ၊ အမျိုးသမီးဖြစ်စေ ငွေ ၂ ကျပ်ကို အလက်ယာဘက်ခြေဖြင့်နင်းပြီးလျှင် ရေသောက်ပါ။ ထို့နောက် အုန်းသီးစိပ် ၆ စိပ်အိမ်မှဘုရား၌ လှူဒါန်းပြီး အိမ်ရောင်းရလိုကြောင်း ဈေးနှုန်းကို ၄ ဂဏန်းကိုက်အောင် ခေါ်ပါလေ။ ဤယတြာကို မိမိမွေးနေ့ နံနက် ၉း၄၅ နာရီတွင် ပြုလုပ်ပါ။

အသက် ၂၈၊ ၃၅၊ ၄၂၊ ၄၉၊ ၅၆၊ ၆၃၊ ၇၀၊ ၇၇ အရွယ်ရှိသော သူများမြေရောင်းလိုသော်

အမျိုးသားဖြစ်ပါက ရွက်လှ ၁ ရွက်ကို အိတ်ထဲတွင်ထည့်၍လည်းကောင်း၊ အမျိုးသမီးဖြစ်ပါက ဦးခေါင်းတွင်ပန်၍လည်းကောင်း၊ ပဲပြုတ်အနည်းငယ်စားပြီးလျှင် သရက်ညွန့်နှင့် အုန်းညွန့် ၁ ညွန့်စီ ပူးပေါင်း၍ အိမ်မှ ဘုရား၌ လှူဒါန်းကာ မြေရောင်းရလိုကြောင်း လေးနက်စွာ ဆုတောင်းပါလေ။ ဤယတြာကို တနင်္ဂနွေ၊ ဗုဒ္ဓဟူး၊ ကြာသပတေး သားသမီး ဖြစ်လျှင် တစ်ကြိမ်သာပြုလုပ်၍ တနင်္လာ အင်္ဂါ၊ သောကြာ၊ စနေ သားသမီးဖြစ်ပါက နှစ်ကြိမ်ပြုလုပ်ပါ။

“ဆရာကြီး ကျွန်တော်သိပြီးဗျ။ ဒါဟာ အင်္ဂ၀ိဇ္ဇာနဲ့ပေးထားတာ။ အသက်ကို (၇) နဲ့စားပြီး အကြွင်းကို အင်္ဂ၀ိဇ္ဇာတိုင်ထောင်ပြီး စီစဉ်ထားတာပါ။ ကျွန်တော်လည်း လုပ်တတ်ပါတယ် ဆရာကြီးရယ် ” ဟု ပြောလေ၏။ ထိုအခါ ကျွန်ုပ်က “ဒီလိုလေကွာ အမေရိကတိုက်ကို ရှာဖွေတွေ့ရှိတဲ့ ကိုလံဘတ်ကို မကျေနပ်တဲ့ လူတစ်ယောက် အမေရိကတိုက်ကိုတွေ့ဖို့ ကိုလံဘတ်တစ်ယောက်တည်း စွမ်းနိုင်တာ မဟုတ်ပါဘူးဗျာ။

ကျုပ်တို့လည်း သူသွားတဲ့ လမ်းကြောင်းအတိုင်းသွားရင် အမေရိကတိုက်ကို ရောက်မှာပါပဲလို့ အစည်းအဝေးတစ်ခုမှာ ပြောဖူးတယ်။ အဲ့ဒါနဲ့ အနားက လူတစ်ယောက် အိတ်ထဲက ကြက်ဥလေးတစ်လုံးကို ထုတ်ပြီး အမေရိကတိုက်ကို မရှာပါနဲ့ဗျာ။ ဒီကြက်ဥလေးပဲ စားပွဲပေါ်မှာထောင်ပြစမ်းပါလို့ ပြောတယ်။ အဲဒီတာ့ အဲဒီလူက ကြက်ဥကို ယူပြီး ထောင်ကြည့်တယ်။ ဒါပေမဲ့ ထောင်လို့မရဘူး။ ကြက်ဥဟာ လဲကျ လဲကျသွားတယ်။ အဲဒီအချိန်မှာ ကိုလံဘတ်ဟာ အဲဒီ အစည်းအဝေးကိုဆက်လာတယ်။ အဲဒီတော့ကြက်ဥ

လေးကို စားပွဲမှာ ထောင်လို့ရရင် ထောင်ပြစမ်းပါလို့ ပြောတယ်။ အဲဒီအခါမှာ ကိုလံဘတ်က ကြက်ဥကို ယူပြီးထိပ်ကလေးကို စားပွဲခုံနဲ့ ထုလိုက်တယ်။ အဲဒီအခါမှာ ကြက်ဥထိပ်ဟာ အက်ကြောင်းထပ်ပြီး ပြားသွားတယ်။ အဲဒီလို ပြားသွားတော့မှ ကိုလံဘတ်ဟာ အလွယ်တကူပဲ စားပွဲပေါ်မှာ ထောင်ပြတယ်။ အဲဒီအချိန်မှာ အစည်းအဝေးမှာရှိတဲ့ လူအားလုံးက လက်ခုပ်ဝိုင်းပြီးတီးကြတယ်။ အဲဒီလိုပဲ ထထထထထထ။ကိုလံဘတ် လုပ်ပြီးမှတော့ ကျုပ်လည်းလုပ်နိုင်တယ်လို့ လာပြီးမပြောနဲ့” ဟု ပြောလိုက်ရာ ဗေဒင်ဆရာ စောရန်နိုင်က

“ ထားပါတော့။ ထားပါတော့။ ဒီစာရွက်တွေကို ကျွန်တော်ယူသွားမယ် ကိုလံဘတ်ကြီးရေ ” ဟု ငေါ့တော့တော့ပြော၍ ဗိုလ်အောင်ဒင်ဇတ်ကားထဲမှ ဗိုလ်အောင်ဒင်ရယ်သံမျိုးဖြင့် မခိုးမခန့်ရယ်ကာ ဆိုင်ကယ်အစုတ်ကြီးကို တဘုန်းဘုန်းစီး၍ ထွက်သွားလေတော့သတည်း။

သဗ္ဗေသတ္တာ ကမ္မသကာ
မင်းသိင်္ခ

မင်းသမီး၊မင်းသား အနုပညာသမားများအတွက် အဆောင်

ငါ့မှာ ယန္တြတစ်ခု ရှိတယ်ကွ။ ဖြစ်နိုင်ရင် ရွှေပြား အစစ်ပေါ်မှာ ပေါ်မှာ ရေးရမယ်။ ဒါမှမဟုတ် ရွှေပြားမှာ ရေးရမယ်။ အဲဒါမှ မဟုတ်ဘူး ဆိုရင်လည်း ရွှေရောင် စက္ကူပြား ရွှေရောင် ပလပ်စတစ်ပြား စတဲ့အပေါ်မှာ ရေးရမယ်။ ပြီးတော့ ပျားရည်ဖြစ်စေ၊ နွာနို့ ဖြစ်စေ ၊ အဲဒီ ယန္တြပေါ်မှာ ခွက်နဲ့ တင်ပြီး ဒေ၀ီမယ်တော်ကို ပူဇော်ပြီး ဆုတောင်းရမယ်။ ပရိသတ် ထောက်ခံတဲ့ ယန္တြပဲကွာ။ မင်းသမီးရော ၊ မင်းသားရော ။ လူကြမ်းရော၊ ဒါရိုက်တာရော ၊ အဖေခန်း အမေခန်းက ပါတဲ့ သူတွေရော ဇာတ်ညွန်းရေး ဆရာရော၊ ဗွီဒီယို ပြတဲ့ ရုံရော သုံးပေရော့  ပေါ့ကွာ။ ဟိုတုန်းက ဇာတ်တွေ လူမ၀င်လို့ အကူအညီ တောင်းရင် ငါတို့ ဒါပဲ လုပ်ပေးတာပေါ့ကွာ။ (မူရင်း- အဘမင်းသိင်္ခ)

သူတစ်ပါးထံမှ ငွေကြေးအကူအညီ ရစေရန်

အကယ်၍ သင်သည် လာဘ်ရရန် ခရီးသွားသည် ဆိုပါစို့။ တစ်ဖက်တွင် ဖော်ပြထားသော အင်းကို ကူးယူ၍ အလယ် လွတ်နေသော အကွက်တွင် သင်၏ မွေးနံကို ထည့်၍ ဖယောင်းတိုင်တွင် ပတ်၍ မီးထွန်းပါ။ မုချ မလွဲမသွေ လာဘ်ရအံ့။ ဥပမာ သင်သည် တစ်စုံ တစ်ယောက်၏ အထံမှ ငွေကြေးကိစ္စများ အကူအညီ သွားတောင်းသည် ဆိုပါကလည်း မီးထွန်း ဆုတောင်း သွားနိုင်ပါသည်။ (မူရင်း- အဘမင်းသိင်္ခ) လွတ်နေသော အကွက်တွင် မွေးနံထည့်ရသည် ဆိုရာတွင် တနင်္ဂနွေ ဆိုပါက (၁) တနင်္လာ ဆိုပါက (၂) အင်္ဂါ ဆိုပါက (၃) ဗုဒ္ဓဟူးဆိုပါက (၄) ကြာသပတေး ဆိုပါက (၅) သောကြာ ဆိုပါက (၆) စနေဆိုပါက (၇) ကို ထည့်ရ၏။ အင်းပုံကို ဖယောင်းတိုင်တွင် ပတ်တတ်စေရန် အောက်တွင် ပုံထည့်ပေးလိုက်ပါသည်။

တစ်ပိုင်းတစ်စ ဖြစ်နေသော အလုပ်များ ပြီးပြတ်စေရန် ယတြာ

အကယ်၍ သင်သည် အလုပ်တစ်ခုကို လုပ်၏။ သို့ရာတွင် အကြောင်း အမျိုးမျိုးကြောင့် မပြီးပြတ်ပဲ ဖြစ်နေ၏။ ထိုသို့ ဖြစ်သောအခါ၌ တစ်ဖက်တွင် ဖော်ပြထားသော အင်းကို ကူးယူ၍ ဖယောင်းတိုင်တွင် ပတ်ကာ ကြွေပုဂံတွင် မီးထွန်းလိုက်ပါ။ (၅)-ရက် ဆက်တိုက် ထွန်းလိုက်ပါ။ အခက်အခဲ ဖြစ်နေသော သင်၏ အလုပ်သည် ပြီးပြတ် သွားပေလိမ့်မည်။ (မူရင်း- အဘမင်းသိင်္ခ) အောက်တွင် ဖယောင်းတိုင်တွင် အင်းစာရွက် ပတ်ပုံပတ်နည်း ကို ဖော်ပြပေးလိုက်ပါ တယ်။ 








အိမ်ပူ အိမ်ဆူနေသူများအတွက် အိမ်အေးစေသောယတြာ

အချို့သော အိမ်များတွင် ဖခင်နှင့် သားလည်းကောင်း ၊ မိခင်နှင့် သမီးလည်း ကောင်း ၊ ညီအမ အချင်းချင်းလည်းကောင်း၊ ညီအကို အချင်းချင်း လည်းကောင်း ၊ အကြောင်းအရာ ကြီးကြီးမားမား မရှိပဲ ငြင်းခုန်ခြင်း ၊ စကားများခြင်း ၊ ပြုတတ်ကြ၏။

ထိုအိမ်မျိုးကို အိမ်ပူသည် အိမ်ဆူသည်ဟု ခေါ်ဝေါ်ကြ၏။ အိမ်ပူခြင်း ဒုက္ခမှ ကင်းဝေး စေရန်အတွက် ဗားမဲ့ဆရာတော် ၏ ကျမ်းမှ ကကြီး အလယ်သေ အင်းကို ဖော်ပြလိုက်ပါသည်။ ထိုအင်းကို ကူးယူ၍ ကြွေပန်းကန်တွင် ကပ်ကာ "က" ကြီးရှိသော နေရာတွင် ရိုးရိုး ဖယောင်းတိုင် တစ်တိုင် ထွန်းပါ။ ငါးရက်ပြည့်အောင် ထွန်းပါ။ အိမ်ပူသော ဒုက္ခ ကင်းဝေး သွားပါ လိမ့်မည်။

လာဘ်တိတ်နေပါက ထိုအင်းတွင် ပန်းကန်ပြားတွင် ကပ်၍ ရေအနည်းငယ် လောင်းထည့်ပြီး ရေစိမ်ထားပါ။ လာဘ်လာဘများ ပွင့်လန်းလာသည်ကိုမျက်ဝါး ထင်ထင် တွေ့မြင်ရလိမ့်မည်။ လောင်း ထည့်သော  ရေသည် ရိုးရိုးရေ မဟုတ်ပဲ နံ့သာရေကို လောင်းထည့်ပြီး ဈေးဆိုင် ရှိပါက ဆိုင်မဖွင့်မီ ဆိုင်ရှေ့တွင် ပက်ဖြန်းလိုက်ပါ။ ဈေးခေါ် အလွန်ကောင်းပါသည်။ (မူရင်း-အဘမင်းသိင်္ခ)

မိမိအား အကြောင်းမဲ့ ပြောဆိုတိုက်ခိုက် စွပ်စွဲ ခံနေရပါက ဒီယတြာလုပ်ပါ

သင်၏ ဘ၀တွင် တစ်ခါတစ်ရံ ကိုယ့်ဖာသာ အေးအေးဆေးဆေး နေနေပါလျှက်နှင့် တစ်စုံ တစ်ယောက်က ပြဿနာ လာရှာခြင်း ၊ ရန်စခြင်းများ ခံရတတ်သည်။ ထိုအခါမျိုးတွင် သင်သည် အထက်တွင် ဖော်ပြထားသော " ၀ိမုတ္တိ " အင်းကို ကူးယူပြီးလျှင် ဖယောင်းတိုင်ကို ပတ်၍ မီးထွန်းပါ။ မီးထွန်းသော အခါတွင် ကြွေပုဂံပေါ်တွင် ထွန်းရပါမည်။ သံပန်းကန် ၊ မယ်လမင်း ပန်းကန်များနှင့် မရပါ။

ဤသို့ သင်ပြုလုပ်လိုက်လျှင် ထိုသူသည် သင့်အား ရန်မပြုနိုင်ပဲ သူတို့ ဒုက္ခနှင့် သူတို့ အလုပ် ရှုပ်နေလိမ့်မည်။ ထိုအင်းကို ၀ိမုတ္တိအင်းဟု ခေါ်သည်။ ၀ိမုတ္တိ အင်းဆိုသည်မှာ လွတ်မြောက်ခြင်းဟု အဓိပ္ပါယ် ရပါသည်။ သေသေချာချာ သိမ်းဆည်းထားပါက နောင်တွင် များစွာ အသုံးဝင်သည်ကို သိရှိရပေလိမ့်မည်။

မိမိအား သူတစ်ပါးမှ အကြောင်းမဲ့ ရန်စနေခြင်း ပြောဆိုနေခြင်း အတင်းတုတ်နေခြင်း စသည်တို့ကြောင့် စိတ်ညစ်နေတယ်။ စိတ်ထိခိုက်နေတယ်ဆိုရင် လုပ်လို့ရပါတယ်။ နောက် အထက်လူကြီးက မိမိကို အပြစ်မြင်နေတယ်။ ကိုယ် ဘာလုပ်လုပ် အကောင်းမမြင်ဘူး ဖြစ်နေတယ်။  ကိုယ့်ကိုဆိုရင် အပြစ်တွေချည်းပဲ ပြောဆိုနေတယ်။ ကိုယ်ကိုဆိုရင် နေရာပေး အလေး လုံးဝ မထားဘူးဆိုရင် လုပ်လို့ရပါတယ်။ အဓိက မှတ်ထား၇မှာက ကိုယ်က အပြောအဆို ခံနေရတယ်ဆိုရင် ဒီယတြာနည်းကို သတိတရ လုပ်ဆောင်လိုက်ပါ။ ရက်ပိုင်းအတွင်း အဆင်ပြေသွားပါလိမ့်မယ်။ အခက်အခဲ ကြုံရင် လုပ်ဖြစ်အောင် လုပ်ပါ ဒီယတြာကို။

အလုပ်ဟောင်း နေရာဟောင်း ပြန်ရချင်သူများအတွက် ယတြာ

(နို့)-(No) ဖြင့် အလုပ်ပြန်ရခြင်း

ကျွန်ုပ်ထောင်မှ လွတ်လာသော အခါ၌ ကျွန်ုပ် နေထိုင်သော အခန်းမှာ နေ၍မရအောင် ပျက်စီး နေသောကြောင့် တပည့်ဖြစ်သူ သိဒ္ဓိဆန်းဆိုသော ဗေဒင် ဆရာလေး၏ အိမ်၌ သွားရောက်၍ နေထိုင်ရလေ၏ သိဒ္ဓိဆန်းမှာ ဗေဒင်ဆရာ ဖြစ်သကဲ့သို့ ၎င်း၏ ဇနီး အေးချမ်းမြင့်မှာလည်း ဗေဒင်ဆရာမ ဖြစ်သောကြောင် နံနက် မိုးလင်းသည်နှင့် တပြိုင်နက် ၎င်းတို့၏ ဗေဒင်ဆိုင်ခန်း အသီးသီးသို့ ထွက်သွားလေတော့၏။

ကျွန်ုပ်သာလျှင် ၎င်းတို့အိမ်၌ ကျန်ခဲ့ပြီး ၎င်းတို့၏ သားသမီးများကို ဈေးဝယ်ခိုင်းသူကို ၀ယ်ခိုင်းရ၏ ။ ထမင်းချက် မည့်သူကို ချက်ခိုင်းရ၏ ။ အ၀တ် လျှော်ခိုင်းသူကိုလည်း လျှော်ခိုင်းထားရ၏ ။ ထိုအလုပ်များ ပြီးသော အခါ၌လည်း… ဟိုအိမ်… ဒီအိမ်သို့ မသွားရန် ကြပ်မတ်ရလေ၏။

တစ်နေ့တွင် သိဒ္ဓိဆန်းသည် ဗေဒင်ဆိုင်မှ ပြန်လာပြီးလျှင် ကျွန်ုပ်အား “ဆရာကြီးရေ. . .ကျွန်တော်တော့် မြွေဖမ်းမိပြီ.... လုပ်ပါဦး”ဟု ပြောလေတော့၏ ။ ထို့ကြောင့် ကျွန်ုပ်က “အဲဒီ မြွေဖမ်းမိတယ် ဆိုတာကို ရှင်းပြပါဦး” ဟု မေးရလေတော့၏ ။ ထိုအခါ သိဒ္ဓိဆန်းက “ဒီလို ဆရာကြီးရဲ့ ပြီးခဲ့တဲ့ (၃) ရက်လောက်က ကျွန်တော့်ဆီကို အမျိုးသမီး တစ်ယောက် ဗေဒင်လာမေးတယ်. . . ။ သူက မန္တလေးက အလုပ်ကတော့ စက်မှုမှာပါဘဲ ။

သူ့ တိုင်ကိုကြည့်ရင်း နဲ့ ဘာ သွားတွေ့သလဲ ဆိုတော့ တနင်္ဂနွေ ဂြိုလ်မှာ ဆန့်ကျင်ဂြိုလ် ကပ်နေတယ်။ ဂြိုလ်ကလည်း ကိစ္စဂြိုလ် ဖြစ်နေတယ်။ အဲ့ဒီတော့ ခင်ဗျားရဲ့ အထက်လူကြီး ဆရာသမားလို ပုဂ္ဂိုလ်မျိုး အလုပ်ပြုတ် လိမ့်မယ်လို့ ထည့်ပြီး ဟောမိ လိုက်လေရော။ အဲဒီမိန်းမရဲ့  ဆရာက အရာရှိကြီးပါပဲ။ မကြာခင် ရက်ပိုင်းကပဲ အထက်ကမေးတာကို ပြောတဲ့နေရာမှာ ကျေနပ်ဖွယ်ရာ မတွေ့ရလို့ သူ့ကို အလုပ်ဖြုတ် ပစ်လိုက်တယ်။ အလုပ်ပြုတ်ပြီးသား ဖြစ်နေတာကိုတွေ့ရတယ် ။

အဲဒီတော့ ဒီမိန်းမက သူ့ဆရာဆီကို ၀င်ပြီး ဗေဒင် ကြည့်ခဲ့ကြောင်း ဗေဒင်က အလွန်မှန်ကြောင်း သူ့ဆရာ အလုပ်ပြုတ်မဲ့ ကိစ္စကိုတောင် သူ့ကိုကြည့်ပြီး ဟောနိုင်ကြောင်း ပြောပြ လိုက်ပါရော.... အဲဒီမှာ အဲ့ဒီလူကြီး ကျွန်တော့်ကို အတော် စိတ်ဝင်စားသွားပုံ ရတယ်။ အဲဒိတော့ သူ့ဆီကို ခေါ်ခဲ့ဖို့ ပြောပါလေရော. . . ။


အဲ့ဒီမိန်းမ ကလည်း ကျွန်တော့်ကို သူ့ဆီကို ခေါ်သွားပေးတယ်. . . အဲဒီတော့ အဲဒီလူကြီးက ကျွန်တော်နဲ့ တွေ့ လျှင် တွေ့ ချင်းပဲ ဆရာဟောတာ အတော်တော် တာပဲတဲ့. . . တပည့်ရဲ့ ဗေဒင်ကိန်းကို ကြည့်ပြီး သူ့ဆရာ အလုပ်ပြုတ်မယ်လို့ အတတ်ဟောနိုင်တယ် လို့ ချီးကျူးပါလေရော. . .အဒီလိုလည်း ချီးကျူးရော. . . ကျွန်တော်လည်း မြောက်သွားတာပေါ့ မြောက်သွားတဲ့ အချိန်မှာပဲ အဲဒီလူကြီးက ဒီလောက်တော်တဲ့ ဆရာ အလုပ်ပြန်အောင်လည်း ဓါတ်ရိုက် ပေးနိုင်မှာပေါ့ ပြောသေးတယ်။

အဲဒါကို ကျွန်တော်က ရိုက်ပေးပါမယ်လို့ ပြောလိုက်မိတယ်။ ဒါပေမယ့် ဘယ်လို ရိုက်ရမယ် ဆိုတာလည်း ကျွန်တော် မသိဘူး ဆရာကြီးနဲ့ တွေ့ မှ မေးရမယ်ဆိုပြီး ပြဿနာကို ကျွန်တော် ယူခဲ့တာပဲ”ဟုပြော၏ ။ ထိုအခါ ကျွန်ုပ်က “မင်းနှယ့်ကွာ. . . မင်းလည်း ရုံးမှာ လုပ်ဖူးတာပဲ. . . အစိုးရ အလုပ်မှာက ညစောင့်တောင် ပြုတ်ပြီးရင်ပြန်ခန့်လို့မရဘူးကွ. . . ဒီလောက် ရာထူးအကြီးကြီး ဘယ်လိုလုပ် ပြန်ခန့်မလဲကွာ မဖြစ်နိုင်တာကို မင်း က ပြောခဲ့ကိုး”. . .ဟု ကျွန်ုပ်က အပြစ်တင် မိလေ၏ ။

ထိုအခါ သိဒ္ဓိဆန်းက “မတတ်နိုင်ဘူး ဆရာကြီးရေ. . . ရိုးရိုးယတြာနည်း နဲ့ မရလည်း ဆရာ လုပ်နေကျ ကောင်းကင်က ယတြာနည်းနဲ့ လုပ်ရမှာပဲ. . . လုပ်ပေးပါ ဆရာကြီးရယ်” ဟုပြောလေတော့၏ ။ စိတ်ငြိမ်စေရန် အတွက် လက်ဖက်ရည် အချိုတစ်ခွက် သောက်ပြီးလျှင် စိတ်ကို တည်တည်ငြိမ်ငြိမ် ထား၍ ကောင်းကင်ဆီသို့ မျက်နှာကို မော့ပြီး မျက်စိကို မှိတ်ကာ အတွက် ယတြာကို တောင်းလေ၏ ။

ထိုအချိန်၌ ကျွန်ုပ်၏ အာရုံတွင် ခြောက်လက္ခ ဖန်ခွက်ကြီးတွင် ဘေးရှိ ‘နိုး’ ဆိုသော စာတမ်း တစ်လုံးနှင့် အခြားတစ်ဘက်ရှိ (No) စာလုံး တစ်လုံးကို တွေ့ရလေ၏ ထိုဖန်ခွက်ထဲသို့ နွားနို့ပူပူများ လောင်းထည့် နေသည်ကို တွေ့ ရပြန်၏ ။ ပြီးလျှင်ထို ဖန်ခွက်ကို အိမ်ရှိ ဘုရားစင်၌ ကပ်လှူ ပုဇော်နေသည်များကို သိဒ္ဓိဆန်းအား ပြောပြမိတယ်။

သိဒ္ဓိဆန်းလည်း ချက်ချင်းပင် ထိုလူကြီး အိမ်ကို ထသွားပြီး နောက်တစ်နေ့ နံနက်တွင် ယတြာ ပြုလုပ်ရန် အတွက် ဖန်ခွက်တွင် ဆေးအဖြူဖြင့် ‘နို့’ နှင့် (No) ကို ရေးပေးခဲ့ပြန်၏ ။ ထိုလူကြီးလည်း နောက်တစ်နေ့တွင် ဖန်ခွက်ထဲသို့နွားနို့ လောင်းထည့်ကာ ဘုရား၌ လှူဒါန်းလိုက်လေ၏ ။ ထိုသို့ လှူဒါန်းပြီး ၃ ရက်ခန့် အကြာတွင် အထက် လူကြီးများက ပြန်လည် သုံးသပ်ကာ ထိုလူကြီးအား အလုပ်ပြန်၍ ခန့်လိုက်လေတော့၏ ။

ထိုလူကြီးသည် သိဒ္ဓိဆန်း ထံသို့လာရောက်ပြီး ကျေးဇူးတင်ကြောင်း ပြောပြလေ၏ ။သိဒ္ဓိဆန်းလည်း လွန်စွာ ၀မ်းမြောက် ၀မ်းသာ ဖြစ်သွားပြီးလျှင် ကျွန်ုပ်အပါအ၀င် လူ(၅)ဦးကို ကြက်ဂိတ်ရှိ မန်းမြို့ တော် စားသောက်ဆိုင် တစ်ဝိုင်း ကျွေးလေတော့သတည်း. . . .

မှတ်ချက် ။ ယခု ကျွန်ုပ်တင်ပြသော အကြောင်းအရာကို မယုံကြည် သူများက အလကားပါကွာ မဟုတ်က ဟုတ်ကတွေ ဖြီးပြီး ရေးနေတယ်လို့ အထင် ရောက်ကောင်း ရောက်လိမ့်မည်။ ထိုသို့ အထင်ရောက်ပါက ကျွန်ုပ် ထံသို့ လာခဲ့ပါ။ ထိုအဖြစ်အပျက်တွင် အဓိကကျသော သူများနှင့် တွေ့ ပေးပါမည်။ (အဘမင်းသိင်္ခ)

ကျောက်မျက်ရတနာပစ္စည်းများရောင်းထွက်စေသောယတြာ

ပြောင်ပြောင်လက်လက် အမွှေးတိုင်ထုတ်သော စက္ကူ ကြက်ဥပြုတ်တို့ဖြင့် ပြုလုပ်ရသော ယတြာ

တစ်နေ့တွင် ကျွန်ုပ်ထံသို့ မိုးကုတ်မြို့ မှ မသွယ်ဆိုသော မိန်းကလေးတစ်ဦး ရောက်ရှိ လာလေ၏ ။ သူသည် ပလောင်မလေး တစ်ဦးဖြစ်၏ ။ ရတနာ လုပ်ငန်းနှင့် အကျိုးပေး၍ ချမ်းသာ နေပြီဖြစ်၏ ကျွန်ုပ်ကို တွေ့ လျှင်တွေ့ ချင်း ၎င်းက “ဆရာရယ်… မသွယ် ရန်ကုန်ကို ရောက်တာ တစ်ပါတ်ကျော်ပြီ အနီတွေရော အပြာတွေရော ပါလာတယ်။ တစ်ခုမှကို ရောင်းမထွက် သေးပဲ ပိတ်နေတယ် အဲဒါ လုပ်ပေးပါဦး” ဟု ပြောလေတော့၏ ကျွန်ုပ်လည်း မျက်နှာကို ကောင်းကင်ပေါ်သို့ မော့၍ မျက်စိမှိတ်ကာ အာရုံ တောင်းလိုက်လေ၏

ကျွန်ုပ်၏ အာရုံထဲတွင် ၎င်းမသွယ်သည် အမွှေးတိုင်ထည့်သော ပြောင်ပြောင်လက်လက် စက္ကူအိတ်များကို ဖြန့်၍ သူ၏ ကျောက်မျက် ရတနာများကို ထုတ်နေသည်ကို တွေ့ ရ၏။ ထိုသို့ ထုတ်ပြီးနောက် ထိုရတနာများကို ကြက်ဥပြုတ် တစ်လုံးနှင့် လိုက်၍ ခေါက်နေသည် ကိုလည်း တွေ့ ရပြန်၏ ။ မသွယ်အား ပြောပြလိုက်လေ၏ ။

မသွယ်သည် ကျွန်ုပ်အိမ်မှ ထွက်သွားပြီးလျှင် ပြောင်ပြောင် လက်လက် စက္ကူဖြင့် ထည့်ထားသော အမွှေး တိုင်များကို ၀ယ်လာလေ၏ ။ သူသည် သူ၏ ရတနာများကို အမွှေးတိုင် စက္ကူဖြင့် ထုတ်နေလေ၏။ ထိုသို့ ထုတ်ပြီးနောက် လက်ဖက်ရည် ဆိုင်မှ ၀ယ်လာသော ကြက်ဥပြုတ်ဖြင့် ထွက် ထွက်ဟု ဆိုကာ ခေါက်နေလေ၏ ။

ထိုသို့ပြုလုပ်ပြီးသည် ကျွန်ုပ်အား နှုတ်ဆက်၍ ၎င်းတည်းခိုသော အိမ်သို့ ထွက်ခွာ သွားလေတော၏ ။ နောက်တနေ့ နေ့လည်တွင် မသွယ် ပြန်ရောက်လာပြန်၏ ။ ထိုအခါ ကျွန်ုပ်က ‘ဘယ်လိုလဲ မသွယ်’ ဟု မေးလိုက်ရာ ၎င်းက ‘အဆင်ပြေ ပါတယ်ဆရာ ဒီမနက်ပဲ အားလုံး ထွက်ကုန်ပြီ အဲဒါကြောင့် ကျွန်မ ဒီညနေ ပြန်တော့မယ်။ ဆရာကို လာပြီး နှုတ်ဆက်တာပါ’ ဟု ပြောပြီးလျှင် ကျွန်ုပ်အား ငွေများ ထိုက်ထိုက်တန်တန် ကန်တော့၍ သွားလေတော့၏ ။

ထိုအချိန်မှ စ၍ ကျွန်ုပ်သည် ကျွန်ုပ်ထံသို့ ရောက်သော ရတနာ ကုန်သည် ကျောက်ပွဲစား တို့အား ဤယတြာကိုပင် ပြုလုပ် ဆောင်ရွက် ပေးခဲ့လေ၏။ ထိုသို့ ပြုလုပ်ပေးရာတွင် မအောင်မမြင် ဖြစ်သည်ဟု ကျွန်ုပ် မမှတ်မိပါ။ ထို့ကြောင့် အရေးရှိက သုံးနိုင်ရန် အတွက် ကောင်းကင်မှ ယတြာနည်းကို ဖော်ပြလိုက်ရလေ တော့သတည်း…။ (မူရင်း- အဘမင်းသိင်္ခ)

ကားအမြန်ရောင်းထွက်စေသောယတြာ

မော်တော်ကားနောက်မြီးတွင် အဖျားဖြတ်ဆေးကပ်ရသော ယတြာတစ်မျိုး

တစ်နေ့တွင် ကျွန်ုပ်ထံသို့ ကျွန်ုပ်နှင့် ရင်းနှီးသော ကားပွဲစား ကိုသာထူးဆိုသူ ရောက်လာလေ၏ ထိုသူသည် ကျွန်ုပ်ကို တွေ့ လျှင်တွေ့ ချင်း “ယတြာလေး လုပ်ပါဦး ဆရာ သမားရယ် ကားလေးတစ်စီး အနိမ့်ဈေးနဲ့ ရလို့ ၀ယ်ထားလိုက်တယ်။ ကားကတော့ လိုင်းအောက်နေတဲ့ ကားပါ။ အဲဒီ့ကားက ပြန်ရောင်းတာ ဘယ်လိုမှ မထွက်ဘူး။ နွေက အဲဒီ့အထဲ ရောက်နေတယ် ဆရာသမားရဲ့  ကျွန်ုပ်နဲ့ အတူတူ ၀ယ်တဲ့ မိတ်ဆွေတွေ ပြန်ရောင်းတာ ကားလေးစီး လောက်ရှိပြီ ကျုပ်ကတော့ အဲဒီ့ကားနဲ့ တစ်နေတာ အခုထက်ထိပဲ။

ဆရာသမားရဲ့ တပည့် ဗေဒင်ဆရာတွေဆီ ၀င်ပြီးဓါတ် ရိုက် ခိုင်းတာ များပါပြီ။ ထွက်ကို မထွက်ဘူး ဖြစ်နေတယ်။ ဒါကြောင့် မို့လို့ ဆရာသမားဆီ လာခဲ့တာပဲ” ဟုပြောလေ၏။ ကျွန်ုပ်လည်း ကောင်းကင်ဆီသို့ မျက်နှာကို မော့ပြီး မျက်လုံး မှိတ်ကာ ကောင်းကင်မှ အာရုံကို တောင်းလိုက်လေ၏။

ထိုအခါ မော်တော်ကား နောက်ဖက်တွင် အအေးမိသော အခါ သောက်ရသည့် (ကိုးတက်ပလက်) ကလေးတစ်လုံး တိတ်နဲ့ ကပ်ထားသည်ကို တွေ့ရလေ၏။ ဒီမှာ ကိုသာထူး ခင်ဗျားကားရဲ့ နောက်ဘက်မှာ အအေး မိရင်သောက်တဲ့ (ကိုးတက်ပလက်) ဆေးပြားကလေး တိတ်နဲ့ ကပ်ထားလိုက်ဗျာ။

ခင်ဗျား ကားရောင်း ထွက်သွားလိမ့်မယ်” ဟု ကျွန်ုပ်က ပြောလိုက်ရာ ကိုသာထူး ချက်ချင်း ဆိုသလိုပင် ပြုလုပ်လိုက်လေ၏ ။ ညခုနှစ်နာရီ လောက်တွင် ကိုသာထူး ကျွန်ုပ်ထံသို့ ခေါက်ဆွဲထုတ်များ စီးကရက်ဘူးများ ဖြင့် ရောက်လာပြီး ‘ထွက်သွားပြီ ဆရာရေ…’အားရ ၀မ်းသာ ပြောလေတော့၏။ သူသည် ဤနည်းကို မှတ်ထားပြီး တခြား ကားများ ရောင်ချင်သော အခါ၌လည်း (ကိုးတက်ပလက်) ကို တိတ်ဖြင့် ကပ်ပေးလိုက်လေ၏။ 

ထိုကြောင့် ကားပွဲစားတန်းတွင် ကိုသာထူးအား( ကားအမြန်ဆုံး ရောင်းရရန် ဓါတ်ရိုက်တတ် သောဆရာကြီး) ဟု အမည်တွင် သွားလေတော့သတည်း။ (အဘမင်းသိင်္ခယတြာများ) မည်သူမဆို မိမိတို့၏ ကားကို လုံးဝ ရောင်းမထွက် ဖြစ်နေပါက အအေးမိ နှာစေးပါက သောက်သော ဆေး မည်သည့်ဆေးမဆို ကပ်ထားလိုက်ပါက ထူးထူးခြားခြား ရောင်းထွက်သွားပါလိမ့်မည်။

တေ့လွဲလွဲနေသော အလုပ်ကိစ္စများအတွက် ဖယောင်းတိုင်ယတြာ

ဖယောင်းတိုင်ပေါ်တွင် ဖယောင်းတိုင်ဆင့်၍ ထွန်းရသော ယတြာဆန်းတစ်မျိုး

တစ်နေ့တွင် ရွှေဘုံသာ လမ်း၌ ကျင်လည် ကျက်စားနေသော ရတနာပွဲစား မညိုဆိုသူ ရောက်လာလေ၏ ၎င်းမညိုသည် ကျွန်ုပ်နှင့်တွေ့ လျှင် တွေ့ ချင်း “ဆရာရယ်… ဒီတစ်လလုံး မညို အလုပ် မဖြစ်ပါဘူး… အရင်ကဆို ညိုက ၀ယ်လက်ကို ရှောင်ပြီး ပြေးနေရတယ်…

အခုတော့ ညိုက သူတို့ကို လိုက်ရှာနေရတယ်… အလုပ်တွေ အားလုံး ကတော့ တေ့လွဲကလေး လွဲသွားတယ်။ အဲဒီလို ဖြစ်တာတွေ များနေပြီး…ညိုကို လုပ်ပေးပါဦး” ဟု ပြောလေတော့၏။ ကျွန်ုပ်လည်း မိုးကောင်းကင် ဆီသို့ မော့၍ မျက်စိမှိတ် ထားပြီးလျှင် အာရုံ တောင်းလိုက်လေ၏။

အာရုံထဲတွင် ဖယောင်းတိုင် အကြီးပေါ်၌ ဖယောင်းတိုင် အသေးဆင့်ကာ ဘုရားစင်တွင် မီးပူဇော် ထားသည်ကို တွေ့ ရလေ၏ ။ မညိုသည် အိမ်သို့ ပြန်သွားပြီးလျှင် ထိုအတိုင်း ပြုလုပ်လေ၏။ ထိုအခါ၌ တေ့လွဲ လွဲသွားသော ကိစ္စများသည် ပြန်၍ တေ့တေ့ဆိုင်ဆိုင် ဖြစ်လာလေတော၏။

ထို့ကြောင့် ကျွန်ုပ်အား ကျေးဇူးတင်သည်ဟု ဆိုကာ အချိန်မမှန်သော နံရံကပ် နာရီ တစ်လုံး တိုက်ဆွေး ဖြစ်နေသော မန္တလေး ပိုးလုံးချည် တစ်ထည်။ မှိုတက်နေသော ငါးသုံးလုံး ဆေးလိပ် တစ်တောင့်တို့ကို လာရောက်၍ ကန်တော့လေသတည်း…။ (မူရင်း-အဘမင်းသိင်္ခ) မည်သူမဆို မိမိတို့၏ လုပ်ငန်းဆောင်တာများ တေ့လွဲလွဲနေပါက ဖယောင်းတိုင် အကြီးတစ်တိုင်ပေါ်တွင် ဖယောင်းတိုင် အသေးတစ်တိုင် ဆင့်ပြီး မီးထွန်း၍ ဘုရားမီးပူဇော် ဆုတောင်းလိုက်ပါ။

မိမိတို့ လိုအင်ဆန္ဒများကို ပြည်စုံလာစေသော သိကြားပွဲယတြာ

ကျွန်ုပ်တို့သည် လူ့လောက အတွင်း၌ တစ်ခု မဟုတ်လျှင် တစ်ခု ဆိုသလို လိုအပ်မှု့များ ရှိနေ တတ်၏။ အိမ်ပိုင် မရှိသေးသူသည် အိမ်ပိုင် တစ်လုံး လိုချင်နေ၏။ မော်တော်ကား မရှိသော သူသည် မော်တော်ကား တစ်စီး လိုအပ်နေ၏။ တယ်လီဖုန်း မရှိသောသူသည် တယ်လီဖုန်း တစ်လုံး လိုအပ်နေ၏။

၎င်း လိုအပ်ချက်များကို ဂမ္ဘီရ သဘောနှင့် ဖြေရှင်းရန် နည်းမှာ ငှက်ပျောသီး ပျော်ပျော် ဆယ်လုံးကို ကြွေပန်း ကန်ပြားတွင် အခွံနွာ၍ ထည့်ရ၏။ ထိုငှက်ပျောသီး များကို သကြား အုပ်သွားအောင် ဖြူးရ၏။ ငှက်ပျောသီး ဆယ်လုံးကို သကြားအုပ်အောင် ဖြူးမည်ဆိုလျှင် သကြား (၁၅) ကျပ်သား လို၏။

ပြီးလျှင် ဖယောင်းတိုင် အဖြူတစ်တိုင်တွင် ဘေးတွင် ဖော်ပြထားသော သကြားစမကို ကပ်၍ ပူဇော်ရမည်။ ထိုသို့ ပူဇော်ရာတွင် တနင်္ဂနွေနေ့နှင့် သောကြာနေ့ နံက် (၅)နာရီတွင် ပူဇော်ရ၏။ ဤနည်းကို ရှေ့အခါက "သိကြားပွဲ" ခေါ်ဝေါ်ကြ၏။ ရှေ့အခါက ဆိုလျှင် နံ့သာဖု ငှက်ပျောသီး ပျော်ပျော်ဖြင့် ပြုလုပ်ကြ၏။ ယခု ခေတ်၌မူ ဖီးကြမ်း ငှက်ပျောသီး ပျော်ပျော်ဖြင့် ပြုလုပ်လျှင် ရ၏။ အခြားကောင်းမွန်သော ငှက်ပျော်သီးမှည့် ပျော်ပျော်နှင့် ဆောင်ရွက်လျှင်လည်း ရပါသည်။ (မူရင်း- အဘမင်းသိင်္ခ)

ဘယ်သူပဲ မုန်းမုန်း ပြန်ချစ်အောင် ယတြာလုပ်မယ်

ဒီယတြာနည်းကို နှစ်နံတွဲ ပီယဓာတ်ဆင်နည်း လို့ ခေါ်ပါတယ်။  ဒီယတြာကို ဘယ်လို ကိစ္စများ အတွက် ဆောင်ရွက်လို့ ရနိုင်သလဲဆိုရင်.

+ မိမိချစ်တဲ့သူက မိမိအပေါ် အမုန်းပွားနေရင်
+ လင်ကွဲမယားကွဲကိစ္စပြန်ပေါင်းချင်လျှင်...
+ မောင်နှမ သားအမိ စိတ်ဝမ်းကွဲနေလျှင်...
+ ဇနီးမောင်နှံ အချစ်ပျယ်နေလျှင်....
+ ဆရာတပည့်အထင်လွဲ၍ လမ်းကွဲစပြုနေလျှင်....
+ အောက်လက်ငယ်သားနှင့် အထက်လူကြီးအမြင်စောင်းနေလျှင်...

အဲဒီလို အခါတွေမှာဆိုရင်လည်း ဒီယတြာကို ဆောင်ရွက်လို့ ရပါတယ်။

အရေးကြီးတာလေးတွေ အရင်မှတ်ထားရမယ်။

+ ဒီယတြာကို မိတ်အချိန်အတွင်းမှာ တိတိကျကျ လုပ်ရမယ်။
+ မိမိရဲ့ ဆပွတ်နေ့သားက စိတ်ပါလက်ပါ ကူညီ လုပ်ဆောင်ပေးရမယ်။
+ (၂၁)-ရက်တိတိ မထိရ မကိုင်ရ ထားထားရမယ်။
+ (၂၁)ရက်ပြည့်ရင်တော့ ရေစီးနေသော ရေသန့်သန့်မှာ မျှောပစ်ရမယ်။

အရင်ဆုံး ယတြာကို ဆောင်ရွက်မယ့် လူက ကိုယ် ဘာနေ့သားလည်း။ ကိုယ့် အဆင်ပြေချင်တဲ့ လူက ဘာနေ့သားလည်း။ အဲဒီနှစ်ချက်ကို အဓိက ထားရမယ်။ အဲဒါကို ကျကျနန သိထားပြီးရင်တော့ အောက်မှာ ဖော်ပြထားတဲ့ ယတြာကို ကျကျနန တိတိကျကျ ဆောင်ရွက်မယ်ဆိုရင် ယတြာ ဆောင်ရွက်နေတဲ့ (၂၁)ရက်အတွင်းမှာတောင် ထူးခြားပါတယ်။ တစ်ယောက်နဲ့ တစ်ယောက် မုန်းနေရင် အမုန်းဓာတ်တွေ ပျက်ပျယ် သွားတယ်။ မေတ္တာဓာတ်တွေ ပြန်လည် စိမ့်ဝင်လာမယ်။ ပီယဓာတ်တွေ ပြန်ပြီး ပေါ်လာမယ်။ အမြင်မကြည်ရင် ပြန်ကြည်လာမယ်။

ဥပမာ တနင်္ဂနွေ သားသမီး တစ်ဦးဦးက အင်္ဂါသားသမီး တစ်ဦးနှင့် အဆင်ပြေချင်တယ်ဆိုရင် အုန်းညွန့် (၆) ညွန်နှင့် ဇော်စိမ်း(၈) ညွန့်ကို ပန်းအိုး အသစ်တစ်လုံးထဲမှာ ရောထိုးရမယ်။ ဓာတ်မိအောင် ဓာတ်ပုံ နှစ်ပုံကို ပန်းအိုးမှာ ကပ်ထားလို့ ရပါတယ်။ အဲဒီပန်းအိုးကို အကူနေ့သား ဖြစ်သူက ကိုယ် သတ်မှတ်ထားတဲ့ နေရာကို တင်ပေးရုံပဲ။ ခုံ မြင့်မြင့်လေး တစ်လုံးပေါ် တင်လည်း ရပါတယ်။ သူတင်နေတဲ့ အချိန်မှာ ကိုယ်က ထိုင်ပြီး ဆုတောင်းပေါ့။ အရေးကြီးတာက(၂၁)-ရက် တိတိ ထားရမယ်။ (၂၁)-ရက်အတွင် မထိရ မကိုင်ရဘူး။ ၂၁-ရက်ပြည့်ရင် ရေမျှောပစ်လိုက်ပါ။ အဲဒီတော့ အောက်မှာ (၇)ရက်သား သမီးများအားလုံးအတွက် ရေးပေးလိုက်ပါတယ်။ အတိအကျသာ လုပ်ဆောင်ပါ။ သေချာပေါက် အောင်မြင်စေပါတယ်။

တနင်္ဂနွေသားသမီးများအတွက်

တနင်္ဂနွေသားသမီးများ၏ ယတြာကို သောကြာသားသမီး တစ်ဦးဦးမှ ပြင်ဆင် ပြုလုပ်ပေးရမယ်။ ပန်းအိုးထိုးပေးပြီး အဲဒီ ပန်းအိုးကို သတ်မှတ် နေရာမှာ တင်ပေးတဲ့ အထိ သောကြာသားသမီးက လုပ်ပေး၇မှာ ဖြစ်ပါတယ်။ အချိန်ကတော့ တနင်္ဂနွေနေ့ နေ့လည် (၁း၃၀) ကနေ (၃း၀၀) အတွင်း လုပ်ရမှာ ဖြစ်ပါတယ်။ အောက်မှာ တနင်္ဂနွေ သားသမီးများ မိမိ အဆင်ပြေစေချင်တဲ့ လူနဲ့ ယတြာ ဆောင်ရွက်လို့ ရအောင် ပန်းတွေ ရေးပေးလိုက်ပါတယ်။

တနင်္ဂနွေ + တနင်္ဂနွေ (အုန်းညွန့် ၁၂-ညွန့်)
တနင်္ဂနွေ + တနင်္လာ (အုန်းညွန့် ၆- ညွန့် ၊ ကံကော် ၁၅-ညွန့်)
တနင်္ဂနွေ + အင်္ဂါ (အုန်းညွန့် ၆-ညွန့် ၊ ဇော်စိမ်း ၈-ညွန့်)
တနင်္ဂနွေ + ဗုဒ္ဓဟူး ( အုန်းညွန့် ၆-ညွန့် ၊ ရွက်လှ ၁၇-ညွန့်)
တနင်္ဂနွေ + ကြာသပတေး (အုန်းညွန့် ၆-ညွန့် ၊ မေမြို့ပန်း ၁၅-ပွင့်)
တနင်္ဂနွေ + သောကြာ (အုန်းညွန့် ၆-ညွန့် ၊ သပြေ ၂၁-ညွန့်)
တနင်္ဂနွေ + စနေ (အုန်းညွန့် ၆-ညွန့် ၊ နှင်းဆီ ၁၀ ပွင့်)

တနင်္လာသားသမီးများအတွက်

တနင်္လာသားသမီးများ၏ ယတြာကို စနေသားသမီး တစ်ဦးဦးမှ ပြင်ဆင် ပြုလုပ်ပေးရမယ်။ ပန်းအိုးထိုးပေးပြီး အဲဒီ ပန်းအိုးကို သတ်မှတ် နေရာမှာ တင်ပေးတဲ့ အထိ စနေသားသမီးက လုပ်ပေးရမှာ ဖြစ်ပါတယ်။ အချိန်ကတော့ တနင်္လာနေ့ နေ့လည် (၃း၀၀) ကနေ (၄း၃၀) အတွင်း လုပ်ရမှာ ဖြစ်ပါတယ်။ အောက်မှာ တနင်္လာသားသမီးများ မိမိ အဆင်ပြေစေချင်တဲ့ လူနဲ့ ယတြာ ဆောင်ရွက်လို့ ရအောင် ပန်းတွေ ရေးပေးလိုက်ပါတယ်။

တနင်္လာ + တနင်္ဂနွေ (ကံကော် ၁၅-ညွန့် + အုန်းညွန့် ၁၂-ညွန့်)
တနင်္လာ + တနင်္လာ (ကံကော် ၃၀-ညွန်)
တနင်္လာ + အင်္ဂါ (ကံကော် ၁၅-ညွန့် ၊ ဇော်စိမ်း ၈-ညွန့်)
တနင်္လာ + ဗုဒ္ဓဟူး ( ကံကော် ၁၅-ညွန့် ၊ ရွက်လှ ၁၇-ညွန့်)
တနင်္လာ + ကြာသပတေး (ကံကော် ၁၅-ညွန့် ၊ မေမြို့ပန်း ၁၅-ပွင့်)
တနင်္လာ + သောကြာ (ကံကော် ၁၅-ညွန့် ၊ သပြေ ၂၁-ညွန့်)
တနင်္လာ + စနေ (ကံကော် ၁၅-ညွန့် ၊ နှင်းဆီ ၁၀ ပွင့်)

အင်္ဂါသားသမီးများအတွက်

အင်္ဂါသားသမီးများ၏ ယတြာကို တနင်္ဂနွေ သားသမီး တစ်ဦးဦးမှ ပြင်ဆင် ပြုလုပ်ပေးရမယ်။ ပန်းအိုးထိုးပေးပြီး အဲဒီ ပန်းအိုးကို သတ်မှတ် နေရာမှာ တင်ပေးတဲ့ အထိ တနင်္ဂနွေ သားသမီးက လုပ်ပေးရမှာ ဖြစ်ပါတယ်။ အချိန်ကတော့ အင်္ဂါနေ့ နံနက် (၉း၀၀) ကနေ (၁၀း၃၀) အတွင်း လုပ်ရမှာ ဖြစ်ပါတယ်။ အောက်မှာ အင်္ဂါသားသမီးများ မိမိ အဆင်ပြေစေချင်တဲ့ လူနဲ့ ယတြာ ဆောင်ရွက်လို့ ရအောင် ပန်းတွေ ရေးပေးလိုက်ပါတယ်။

အင်္ဂါ + တနင်္ဂနွေ (ဇော်စိမ်း ၈-ညွန့် + အုန်းညွန့် ၁၂-ညွန့်)
အင်္ဂါ + တနင်္လာ (ဇော်စိမ်း ၈-ညွန့် ၊ ကံကော် ၃၀-ညွန့်)
အင်္ဂါ + အင်္ဂါ (ဇော်စိမ်း ၁၆-ညွန့်)
အင်္ဂါ + ဗုဒ္ဓဟူး ( ဇော်စိမ်း ၈-ညွန့် ၊ ရွက်လှ ၁၇-ညွန့်)
အင်္ဂါ + ကြာသပတေး (ဇော်စိမ်း ၈-ညွန့် ၊ မေမြို့ပန်း ၁၅-ပွင့်)
အင်္ဂါ + သောကြာ (ဇော်စိမ်း ၈-ညွန့် ၊ သပြေ ၂၁-ညွန့်)
အင်္ဂါ + စနေ (ဇော်စိမ်း ၈-ညွန့် ၊ နှင်းဆီ ၁၀ ပွင့်)

ဗုဒ္ဓဟူးသားသမီးများအတွက်

ဗုဒ္ဓဟူးသားသမီးများ၏ ယတြာကို တနင်္လာ သားသမီး တစ်ဦးဦးမှ ပြင်ဆင် ပြုလုပ်ပေးရမယ်။ ပန်းအိုးထိုးပေးပြီး အဲဒီ ပန်းအိုးကို သတ်မှတ် နေရာမှာ တင်ပေးတဲ့ အထိ တနင်္လာ သားသမီးက လုပ်ပေးရမှာ ဖြစ်ပါတယ်။ အချိန်ကတော့ ဗုဒ္ဓဟူးနေ့ နံနက် (၇း၃၀) ကနေ (၉း၀၀) အတွင်း လုပ်ရမှာ ဖြစ်ပါတယ်။ အောက်မှာ ဗုဒ္ဓဟူးသမီးများ မိမိ အဆင်ပြေစေချင်တဲ့ လူနဲ့ ယတြာ ဆောင်ရွက်လို့ ရအောင် ပန်းတွေ ရေးပေးလိုက်ပါတယ်။

ဗုဒ္ဓဟူး + တနင်္ဂနွေ (ရွက်လှ ၁၇-ညွန့်+ အုန်းညွန့် ၁၂-ညွန့်)
ဗုဒ္ဓဟူး + တနင်္လာ (ရွက်လှ ၁၇-ညွန့် ၊ ကံကော် ၃၀-ညွန့်)
ဗုဒ္ဓဟူး + အင်္ဂါ (ရွက်လှ ၁၇-ညွန့် ၊ ဇော်စိမ်း ၁၆-ညွန့်)
ဗုဒ္ဓဟူး + ဗုဒ္ဓဟူး (ရွက်လှ ၃၄-ညွန့်)
ဗုဒ္ဓဟူး + ကြာသပတေး (ရွက်လှ ၁၇-ညွန့် ၊ မေမြို့ပန်း ၁၅-ပွင့်)
ဗုဒ္ဓဟူး + သောကြာ (ရွက်လှ ၁၇-ညွန့် ၊ သပြေ ၂၁-ညွန့်)
ဗုဒ္ဓဟူး  + စနေ (ရွက်လှ ၁၇-ညွန့် ၊ နှင်းဆီ ၁၀ ပွင့်)


ကြာသပတေးသားသမီးများအတွက်

ကြာသပတေး သားသမီးများ၏ ယတြာကို အင်္ဂါ သားသမီး တစ်ဦးဦးမှ ပြင်ဆင် ပြုလုပ်ပေးရမယ်။ ပန်းအိုးထိုးပေးပြီး အဲဒီပန်းအိုးကို သတ်မှတ် နေရာမှာ တင်ပေးတဲ့ အထိ အင်္ဂါ သားသမီးက လုပ်ပေးရမှာ ဖြစ်ပါတယ်။ အချိန်ကတော့ ကြာသပတေးနေ့ နံနက် (၉း၀၀) ကနေ (၁၀း၃၀) အတွင်း လုပ်ရမှာ ဖြစ်ပါတယ်။ အောက်မှာ ကြာသပတေး သမီးများ မိမိ အဆင်ပြေစေချင်တဲ့ လူနဲ့ ယတြာ ဆောင်ရွက်လို့ ရအောင် ပန်းတွေ ရေးပေးလိုက်ပါတယ်။

 ကြာသပတေး + တနင်္ဂနွေ (မေမြို့ပန်း ၁၅-ပွင့်+ အုန်းညွန့် ၁၂-ညွန့်)
 ကြာသပတေး + တနင်္လာ (မေမြို့ပန်း ၁၅-ပွင် ၊ ကံကော် ၃၀-ညွန့်)
 ကြာသပတေး + အင်္ဂါ (မေမြို့ပန်း ၁၅-ပွင့် ၊ ဇော်စိမ်း ၁၆-ညွန့်)
 ကြာသပတေး + ဗုဒ္ဓဟူး (မေမြို့ပန်း ၁၅-ပွင် ၊ ရွက်လှ ၃၄-ညွန့်)
 ကြာသပတေး + ကြာသပတေး (မေမြို့ပန်း ၃၀-ပွင့်)
 ကြာသပတေး + သောကြာ (မေမြို့ပန်း ၁၅-ပွင့် ၊ သပြေ ၂၁-ညွန့်)
 ကြာသပတေး  + စနေ (မေမြို့ပန်း ၁၅-ပွင့် ၊ နှင်းဆီ ၁၀ ပွင့်)


သောကြာသားသမီးများအတွက်

သောကြာ သားသမီးများ၏ ယတြာကို  ဗုဒ္ဓဟူး သားသမီး တစ်ဦးဦးမှ ပြင်ဆင် ပြုလုပ်ပေးရမယ်။ ပန်းအိုးထိုးပေးပြီး အဲဒီပန်းအိုးကို သတ်မှတ် နေရာမှာ တင်ပေးတဲ့ အထိ ဗုဒ္ဓဟူး သားသမီးက လုပ်ပေးရမှာ ဖြစ်ပါတယ်။ အချိန်ကတော့ သောကြာနေ့ နေ့လည် (၁း၃၀) ကနေ (၃း၀၀) အတွင်း လုပ်ရမှာ ဖြစ်ပါတယ်။ အောက်မှာ သောကြာ သမီးများ မိမိ အဆင်ပြေစေချင်တဲ့ လူနဲ့ ယတြာ ဆောင်ရွက်လို့ ရအောင် ပန်းတွေ ရေးပေးလိုက်ပါတယ်။

သောကြာ + တနင်္ဂနွေ (သပြေ ၂၁-ညွန့် + အုန်းညွန့် ၁၂-ညွန့်)
သောကြာ + တနင်္လာ (သပြေ ၂၁-ညွန့် ၊ ကံကော် ၃၀-ညွန့်)
သောကြာ + အင်္ဂါ (သပြေ ၂၁-ညွန့် ၊ ဇော်စိမ်း ၁၆-ညွန့်)
သောကြာ + ဗုဒ္ဓဟူး (သပြေ ၂၁-ညွန့်  ၊ ရွက်လှ ၃၄-ညွန့်)
သောကြာ + ကြာသပတေး (သပြေ ၂၁-ညွန့် + မေမြို့ပန်း ၁၅-ပွင့်)
သောကြာ + သောကြာ (သပြေ ၄၂ - ညွန့်)
သောကြာ  + စနေ (သပြေ ၂၁-ညွန့် ၊ နှင်းဆီ ၁၀ ပွင့်)


စနေသားသမီးများအတွက်

စနေသားသမီးများ၏ ယတြာကို ကြာသပတေး သားသမီး တစ်ဦးဦးမှ ပြင်ဆင် ပြုလုပ်ပေးရမယ်။ ပန်းအိုးထိုးပေးပြီး အဲဒီပန်းအိုးကို သတ်မှတ် နေရာမှာ တင်ပေးတဲ့ အထိ ကြာသပတေး သားသမီးက လုပ်ပေးရမှာ ဖြစ်ပါတယ်။ အချိန်ကတော့ စနေနေ့ နေ့လည် (၁း၃၀) ကနေ (၃း၀၀) အတွင်း လုပ်ရမှာ ဖြစ်ပါတယ်။ အောက်မှာ စနေ သမီးများ မိမိ အဆင်ပြေစေချင်တဲ့ လူနဲ့ ယတြာ ဆောင်ရွက်လို့ ရအောင် ပန်းတွေ ရေးပေးလိုက်ပါတယ်။

စနေ + တနင်္ဂနွေ (နှင်းဆီ ၁၀ ပွင့် + အုန်းညွန့် ၁၂-ညွန့်)
စနေ + တနင်္လာ (နှင်းဆီ ၁၀ ပွင့် ၊ ကံကော် ၃၀-ညွန့်)
စနေ + အင်္ဂါ (နှင်းဆီ ၁၀ ပွင့် ၊ ဇော်စိမ်း ၁၆-ညွန့်)
စနေ + ဗုဒ္ဓဟူး (နှင်းဆီ ၁၀ ပွင့် ၊ ရွက်လှ ၃၄-ညွန့်)
စနေ + ကြာသပတေး (နှင်းဆီ ၁၀ ပွင့် + မေမြို့ပန်း ၁၅-ပွင့်)
စနေ + သောကြာ (နှင်းဆီ ၁၀ ပွင့် ၊ သပြေ ၄၂ - ညွန့်)
စနေ  + စနေ (နှင်းဆီ ၂၀ - ပွင့်)

သားသမီး ရင်သွေးရတနာအတွက် ပူပင်သောက များနေတယ်ဆိုရင်

စကားပုံတစ်ခု ရှိတယ်။ လင်ဆိုးမယား တစ်ဖားဖား၊ သားဆိုးအမေ တပေပေတဲ့။ သားသမီးဆိုးဆိုးကို ရထားတဲ့ မိဘတွေ ကျွန်တော်တို့ ဗေဒင်ဆရာဆီကို လာပြီး အကူအညီ တောင်းကြတယ်။ သူတို့ သားသမီးတွေက အရမ်းဆိုးတယ်တဲ့။ ကူညီပေးပါတဲ့။ နောက်ပြီး လင်ဆိုးမယား တဖားဖား ဖြစ်နေတဲ့ မယားတွေလည်း ရောက်လာပြီး အကူအညီ တောင်းတယ်။

ဗေဒင်ဆရာရယ်လို့ ဖြစ်လာရင် အဲဒီလို လာကြမှာပဲလေ။ သူတို့ကလည်း ဗေဒင်ဆရာက သူတို့ရဲ့ အခက်အခဲတွေကို စနစ်တကျ ကူညီနိုင်လိမ့်မယ်ဆိုတဲ့ ယုံကြည်ချက်နဲ့ ရောက်လာကြတာပါပဲ။ အရာအားလုံးကို သေချာပေါက် အဆင်ပြေ အောင်မြင်စေမယ့် နည်းတွေ အများကြီး ရှိပါတယ်။ နည်းစနစ်တွေကတော့ အများကြီးပဲ။

ယတြာနည်းတွေ ရှိတယ်။ ဓာတ်ရိုက် ဓာတ်ဆင်နည်းတွေ ရှိတယ်။ အင်းစမ မီးထွန်းရတဲ့ နည်းတွေ ရှိတယ်။ ဓာတ်ပုံကို အင်းစွဲပြီး မီးထွန်းရတဲ့နည်းတွေ ရှိတယ်။ ကျွန်တော် အသုံးပြုတဲ့ အကောင်းဆုံး နည်းတနည်း ရှိတယ်။ သားဆိုး သမီးဆိုးကြောင့် စိတ်ဆင်းရဲ နေရတဲ့ မိဘတွေ အတွက်ပါ။ အဆင်ပြေတာ များတယ်။ အခု ကျွန်တော် ပြောမယ့် နည်းစနစ်က ဂါထာ ရွတ်ပြီး ဆုတောင်းရတာပါ။ ငွေကြေးတွေ ဘယ်လောက် ကုန်ကျမှာလည်းဆိုတော့ တစ်ပြားမှ မကုန်ကျဘူး။ ပုံမှန်လေး လုပ်ပေးနေရုံပဲ။

တစ်ခါတုန်းက ကျွန်တော်ဆီကို အသက်(၅၅)နှစ်လောက် ရှိတဲ့ အမျိုးသမီးကြီး တစ်ယောက် ရောက်လာတယ်။ သူကမှ ဘွဲ့နှစ်ခုတောင် ရထားတာ။ ဘွဲ့တစ်ဘွဲ့က လင်ဆိုးမယား တဖားဖား။ နောက်တစ်ခုက သားဆိုးအမေ တစ်ပေပေ။  ပြောရရင်တော့ သူ့ရဲ့ လင်ယောင်္ကျားလည်း အရမ်း ဆိုးတယ်။ တစ်ဦးတည်းသော သားလေးကလည်း အရမ်းဆိုးတယ်။

ယောင်္ကျားကလည်း ဘာမှ အားမကိုးရဘူး။ အရက်သောက်တယ် ၊ မိန်းမရှုပ်တယ်၊ လောင်းကစား ၀ါသနာ ပါတယ်။ အပေါင်းအသင်း မက်တယ်။ ရတဲ့ပိုက်ဆံ ကိုယ့်ဟာကို သုံးပစ်တယ်။ အဲဒိတော့ ဒီမိန်းမကြီးဟာ လင်ကံလည်း မကောင်းဘူး။ သူ့ယောင်္ကျားကလည်း အရက်သောက်တဲ့ ဒဏ်နဲ့ စေစောစီးစီးပဲ ဆုံးသွားရှာပါတယ်။ အဲဒီတော့ ငယ်ငယ်ရွယ်ရွယ်နဲ့ပဲ သားတစ်ယောက်နဲ့ ဘ၀ကို ကြိုးစား ရုန်းကန်လာတာ။ ဒီနေ့အထိ ဆိုပါတော့။ နောက်အိမ်ထောင်လည်း မပြုတော့ဘူး။

အခု သူ့ရဲ့ တစ်ဦးတည်းသော သား။ အရင်တုန်းကတော့ ဒီလောက်မဆိုးဘူး။ အခု သူ့သားရဲ့ အသက်က (၁၇)နှစ်ထဲ ရောက်လာပြီလေ။ စနေသားလေး။ ဒီနှစ်ပိုင်းမှာ တော်တော် ဆိုးလာတယ်တဲ့။ သူ့အဖေ ခြေရာအတိုင်း လိုက်နင်းလာတာတဲ့။ အရက်သောက်တတ်လာတယ်။ မကောင်းတဲ့ အပေါင်းအသင်းတွေနဲ့ ပေါင်းသင်းပြီး မကောင်းတဲ့ အကျင့်တွေ ကူးစက်လာတယ်။ ထိုင်းမှာဆိုတော့ မြင်းဆေး(မူးယစ်ဆေး)တောင် ချလာတယ်။

အမေက ဒါကို စိတ်ပူတော့ ပြောတယ်။ သူက အမေကို ပမာမခန့် ပြန်လုပ်လာတယ်။ ပြန်အော်လာတယ်။ အမေက စိတ်မကောင်းဘူး။ အမေက သူ့သား ပျက်စီးသွားမှာကို အရမ်းတွေး ကြောက်တယ်။ ဒါဟာ သူ့ရဲ့ တစ်ခုတည်းသော မျှော်လင့်ချက်ပဲလေ။

ဒီလိုနဲ့ ဗေဒင်ဆရာဆီကို ရောက်လာတယ်။ ကျွန်တော်ကတော့ ဘာသာရေးနှင့် ပါတ်သက်တဲ့ နည်းလေးတစ်ခု ညွန်ပြလိုက်တယ်။ သူကလည်း သူ့ သားလေးသာ မကောင်းတဲ့ အကျင့်တွေ ပြေပြောက်မယ်ဆိုရင် လုပ်ပါ့မယ်တဲ့ ဆိုတော့ ကျွန်တော် ဒီ နည်းလမ်းလေးကို ညွန်ပြပေးလိုက်တယ်။ အဲဒီ အဒေါ်ကြီးလည်း ပုံမှန် လုပ်တယ်လို့ ပြောပါတယ်။

အဲဒီနောက်ပိုင်း သူ့သားရဲ့ သူငယ်ချင်းတွေက မူးယစ်ဆေးဝါးမှု့နဲ့ ထောင်တွေ ဘာတွေကျပြီး သူတို့ အပေါင်းအသင်းတွေလည်း တစ်ယောက်တစ်နေရာဆီ ကွဲကွာ ကုန်ကျသွားကြတယ်။ အခုတော့ အဲဒီအဒေါ်ကြီးရဲ့ တစ်ဦးတည်းသော သားလေးဟာလည်း မကောင်းတာတွေ တော်တော်များများကို စွန့်လွှတ်ပြီး သူ့ရဲ့ အမေကို ကောင်းကောင်းမွန်မွန် လုပ်ကြွေး ပြုစုနေပါပြီ။ ဒါပေမယ့် သူရဲ့အမေကတော့ ဒီနေ့အထိ ယုံယုံကြည်ကြည်နဲ့ ဒီနည်းလေးကို ဆက်လက် လုပ်နေလေရဲ့.....။

သားဆိုး၊သမီးဆိုးများကို လိမ္မာကောင်းမွန်စေသောဂါထာတော်

အယံ ဘန္တေ (ဗောဓိ ရာဇ ကုမာရော)
ဘဂ၀န္တံ သရဏံ ဂစ္ဆတိ ဓမ္မဉ္စ။
ဘိက္ခူ သံဃဉ္စ ဥပါသကံ တံ ဘဝေါ ဓာရေတု။
အဇ္ဇတဂ္ဂေ ပါဏုပေတံ သရဏံ ဂတံ။

ဂါထာအနက်။

ဘန္တေ၊ အရှင်ဘုရား။ အယံဗောဓိရာဇကုမာရော၊ ဗောဓိကုမာရအမည်ရှိသော သတိုးသားသည်။ ဘဂ၀န္တံ၊ မြတ်စွာဘုရားကို။ သရဏံ၊ ကိုးကွယ်ရာဟူ၍။ ဂစ္ဆတိ၊ ဆည်းကပ်ပါ၏။ ဓမ္မဉ္စ၊ တရားတော်မြတ်ကိုလည်း။ သရဏံ ၊ကိုးကွယ်ရာဟူ၍ ၊ ဂစ္ဆတိ၊ ဆည်းကပ်ပါ၏။ ဘိက္ခုသံဃဉ္စ၊ ရဟန်းသံဃာကိုလည်း။ သရဏံ၊ ကိုးကွယ်ရာဟူ၍။ ဂစ္ဆတိ၊ ဆည်းကပ်ပါ၏။ ဘဂ၀ါ၊ မြတ်စွာဘုရားသည်။ တံ၊ ထိုဗောဓိ ကုမာရ သတိုးသားကို။ အဇ္ဇတဂ္ဂေ၊ ယနေ့မှစ၍။ ပါဏုပေတံ၊ အသက်ထက်ဆုံး။ သရဏံ၊ ဆည်းကပ်ခြင်းသို့။ ဂတံ၊ ရောက်သော၊ ဥပသကံ၊ ရတနာသုံးပါးကို ဆည်းကပ်သူဟူ၍ ဓာရေတု၊ မှတ်ယူတော်မူပါဘုရား။

မိမိ၏ သားဆိုး သမီးဆိုးများ၏ အင်္ကျီကို ပုခုံးပေါ်တွင်တင်၍ နံက်ည ပုံမှန်ဘုရား ၀တ်တက်ပါ။ သားဆိုးသမီးဆိုး များ၏ အသက်စေ့ ဂါထာကို ရွတ်ပေးပါ။ လိမ္မာအောင် ဆုတောင်းပါ။ မှတ်ချက်- (ဗောဓိရာဇကုမာရော) ဆိုသောနေရာတွင် မိမိတို့၏ သားသမီးအမည်များကို ထည့်၍ ရွတ်ဖတ် ပူဇော်ပါရန်....

အထက်ပါဂါထာတော်ကို ရွတ်ဖတ် ပူဇော်ခြင်းဖြင့် ကိုယ်ဝန်ဆောင် မိခင်များလည်း မီးဖွား အန္တရာယ်ကင်းခြင်း၊ သားသမီး အင်္ဂါ စုံစုံလင်မွေးခြင်း၊ မိမိတို့၏ ရင်သွေး ရတနာများကို ပြောဆိုဆုံးမ၍ အောင်မြင်ခြင်း စသော သားသမီးများနှင့် ပါတ်သက်သော ကောင်းကျိုးများ မရေမတွက် နိုင်အောင်ပင် ရရှိစေနိုင်ပါတယ်။

သက်ရှိဖြစ်စေ သက်မဲ့ဖြစ်စေ လာအောင် ချစ်အောင် ၀င်အောင် ဓာတ်ရိုက်ဓာတ်ဆင်နည်း

ဒီယတြာတွေက လာစေ ချစ်စေ ၀င်စေ ယတြာတွေ ဖြစ်တယ်။ တနည်း ပြောရရင် လာအောင် ချစ်အောင် ၀င်အောင် လုပ်တဲ့ ယတြာတွေပေါ့။ ဘာတွေကို လာအောင် ချစ်အောင် ၀င်အောင် လုပ်လို့ ရလည်းဆိုတော့ သက်ရှိသက်မဲ့ အရာအားလုံးကို လုပ်လို့ ရပါတယ်။ အရေးကြီးတာက သင် အလိုရှိတဲ့ အရာက ဘာနေ့သားသမီးလဲ ၊ သို့မဟုတ် ဘာနေ့နံလည်းဆိုတာ သိထားရမယ်။ သင်သည် တစ်စုံတစ်ခုကို အလိုရှိနေသည် ဆိုကြပါစို့။ ထိုအခါမျိုးတွင် အရင်ဆုံး မိမိ၏ ဇွဲ လုံးလ ၀ိရိယဖြင့် ကြိုး စားကြည့်ပါ။ ထိုသို့ ကြိုးစား အားထုပ် ကြည့်ပါသော်လည်း အကြောင်းအမျိုးမျိုးကြောင့် ထစ်ငေါ့ ကြန့်ကြာနေပါက ဆောင်ရွက်လို့ ရပါတယ်။

အခု အောက်တွင် ရေးသားဖော်ပြမည့် ယတြာများသည် လာစေ ချစ်စေ ၀င်စေသော ဓာတ်ရိုက်နည်းများ ဖြစ်ပါသည်။ လာအောင် ချစ်အောင် ၀င်အောင်ပြုလုပ်ခြင်းဖြစ်၏။ မိမိ အလိုရှိနေသော ကိစ္စများသည် တစ်ခါတစ်ရံ သက်ရှိလည်း ဖြစ်၏။ တစ်ခါတစ်ရံ သက်မဲ့လည်း ဖြစ်၏။ သက်ရှိ ဖြစ်စေ သက်မဲ့ဖြစ်စေ အဆင်ပြေစေပါသည်။ ထွက်သွားရင် ပြန်လာတယ်။ မုန်းနေရင် ချစ်စေတယ်။ အလိုရှိတဲ့အခါမှာ ၀င်လာစေတယ်ပေါ့။

ဥပမာ သင်သည် တစ်စုံတစ်ယောက်ကို ချစ်ခွင့်ပန်၏။ သူသည် မိမိကို ပြန်ချစ်စေချင်၏။ ထိုကိစ္စမျိုးတွေ ရပါသည်။ နောက်တစ်ခု ချစ်သူနှစ်ဦး စိတ်ဆိုး စိတ်ကောက်၍ တစ်ယောက်က တစ်ယောက်ကို အဆက်အသွယ် ဖြတ်ထားတယ် ဆိုပါစို့။ အဲဒီလို အခါမျိုးတွေမှာ ကိုယ့်ချစ်သူ ကိုယ့်ကို စိတ်ဆိုးပြေအောင် ကိုယ့်ဆီလာအောင် ကိုယ့်ကို ပြန်ချစ်အောင် ဆောင်ရွက်လို့ ရပါတယ်။

နောက်တစ်ခု မိမိတို့ မိသားဝင်များထဲမှ တစ်စုံတစ်ယောက်သည် စိတ်ဆိုး စိတ်ကောက်၍ အိမ်ပေါ်မှ ဆင်းသွားသည် ထွက်သွားသည် ဆိုကြပါစို့။ ထိုအခါမျိုးတွင်လည်း ဤယတြာကို ထွက်သွားသူ ပြန်လာစေဖို့ စိတ်ဆိုးပြေစေဖို့ အိမ်ပြန်လာဖို့အတွက် ဆောင်ရွက်လို့ ရပါတယ်။

နောက်တစ်ခု မိမိက ဆိုင်ခန်းတစ်ခန်း ရှာနေသည်ဆိုကြပါစို့။ အင်္ဂါနံ ဖြစ်သော ဆိုင်ခန်း တစ်ခန်း အမြန်ရအောင် အမြန်ဝင်အောင် ဆောင်ရွက်မယ် ဆိုရင်လည်း ရပါတယ်။ အိမ်တစ်လုံး ၀ယ်ဖို့ ငှားဖို့ လိုက်ရှာ နေတယ်ဆိုရင်လည်း ရပါတယ်။

နောက်တစ်ခု ကိုယ်က ငွေပေးထားတယ်။ ယူထားတဲ့ လူက ပြန်မပေးဘူး။ ဆက်သွယ်မလာဘူး။ အဲဒီလို အခါမျိူးတွေဆိုရင်လည်း ဒီ တနင်္လာနံ ဆိုတဲ့ ငွေ ပြန်ဝင်လာအောင် ဒီယတြာကို ဆောင်ရွက်လို့ ရပါတယ်။ ဒါတွေကတော့ ဥပမာ အနေနှင့် ပြောပြ တာပါ။ ဒါပေမယ့် ဒီယတြာက လုပ်လိုရရတာ အများကြီးပါ။ ရှေ့ဆရာတွေ ပြောခဲ့သလို ညာဏ်ရှိသလိုသာ သုံးကြပေတော့။

အဓိက ပြောချင်တာက တစ်စုံတစ်ခု (သို့) တစ်စုံတစ်ရာကို သင်က အလိုရှိတယ် ဆိုကြပါစို့။ အဲဒီလို အခါမျိုးတွေမှာ ကိုယ်အလိုရှိနေတဲ့ အရာဝတ္ထု ကိုယ့်ဆီကို လာအောင် ၀င်အောင် ချစ်အောင် ဆောင်ရွက်လို့ ရတဲ့ ယတြာဖြစ်ပါတယ်။ ဒီနည်းကိုတော့ အင်္ဂ၀ိဇ္ဇာ နည်းနဲ့ ပေးထားတဲ့ ဓာတ်ရိုက် ဓာတ်ဆင်နည်း ဖြစ်ပါတယ်။ တိုက်တွန်းချင်တာကတော့ လုပ်ကြည့်ပါ။ အခက်အခဲရှိရင် လုပ်ကြည့်ပါ။ ထိထိရောက်ရောက် လုပ်ကြည့်ပါ။ လေးလေးစားစား သေသေချာချာ လုပ်ကြည့်ပါ။ လုပ်ပြီးရင် အဆင်ပြေတယ်ဆိုတာ သိရမှာပါ။ မခက်ပါဘူး။ လွယ်ပါတယ်။ ဒါကြောင့် အခက်အခဲကြုံရင် လုပ်သာ ကြည့်ပါ။

တနင်္ဂနွေနံ - လာအောင် ချစ်အောင် ၀င်အောင်

အရင်ဆုံး တစ်ထွာလောက်ရှိတဲ့ စာရွက်တစ်ရွက်မှာ သင်ဖြစ်ချင်တာကို ရေးထားပါ။ ကံ့ကော် (၁၅)ညွန့် ၊ စံပယ် (၈)ညွန့်ကို ကိုယ် ဖြစ်ချင်တာ ရေးထားသော စာရွက်နှင့် ပတ်လိုက်ပါ။ အဲဒီအပေါ်မှာ ၀ါးရွက်နှင့် ထပ်ပတ်လိုက်ပါ။ ပြီးရင် ဒန်အိုးထဲမှာထည့် ၊ မီးအပူပေးပြီး ကိုယ်ဖြစ်ချင်တာ ဆုတောင်းပါ။ (၅)-ရက် ဆက်တိုက် ဆောင်ရွက်လိုက်ပါ။ မှတ်ချက်-(ကံ့ကော် (၁၅)ညွန့် ၊စံပယ် (၈)ညွန့် မရပါက အခြားလွယ်ကူသော တနင်္လာနံ ၊ အင်္ဂါနံ ပစ္စည်းများနှင့် အစားထိုးဆောင်ရွက်လို့ ရနိုင်ပါသည်။

တနင်္လာနံ-လာအောင် ချစ်အောင် ၀င်အောင်

အရင်ဆုံး တစ်ထွာလောက်ရှိတဲ့ စာရွက်တစ်ရွက်မှာ သင်ဖြစ်ချင်တာကို ရေးထားပါ။ စံပယ် (၈)ညွန့် ၊ ရွက်လှ (၁၇) ညွန့်ကို ကိုယ် ဖြစ်ချင်တာ ရေးထားသော စာရွက်နှင့် ပတ်လိုက်ပါ။ အဲဒီအပေါ်မှာ ဖက်နှင့် (ဖက်ဆိုတာ-ကုန်စိမ်းသည်တွေ ပစ္စည်းထုပ်တဲ့ ဖက်ကို ဆိုလိုပါသည်) ထပ်ပတ် လိုက်ပါ။ (ပီနံကြိုးနဲ့ ပတ်ရင်လည်း ရပါတယ်)  ပြီးရင် အိုးတစ်လုံးထဲမှာထည့် ၊ မီးဖိုပေါ်တင် မီးအပူပေးပြီး ကိုယ်ဖြစ်ချင်တာ ဆုတောင်းပါ။ (၇)-ရက် ဆက်တိုက် ဆောင်ရွက်လိုက်ပါ။ မှတ်ချက်-(စံပယ် (၈)ညွန့် ၊ ရွက်လှ (၁၇) ညွန့် မရပါက အခြားလွယ်ကူသော ၊ အင်္ဂါနံ၊ ဗုဒ္ဓဟူးနံ ပစ္စည်းများနှင့် အစားထိုးဆောင်ရွက်လို့ ရနိုင်ပါသည်။

အင်္ဂါနံ-လာအောင် ချစ်အောင် ၀င်အောင်

အရင်ဆုံး တစ်ထွာလောက်ရှိတဲ့ စာရွက်တစ်ရွက်မှာ သင်ဖြစ်ချင်တာကို ရေးထားပါ။ ရွက်လှ (၁၇)ညွန့် နှင့် မေမြို့(၅)ပွင့်ကို ကိုယ် ဖြစ်ချင်တာ ရေးထားသော စာရွက်နှင့် ပတ်လိုက်ပါ။ အဲဒီအပေါ်မှာ သွတ်နန်းကြိုးနှင့် ထပ်ပတ် လိုက်ပါ။ ပြီးရင် ချိုင့်တစ်လုံးထဲမှာမြေကြီးထည့် ၊ အဲဒီ မြေကြီးထဲမှာ အခုန ပန်းတွေကို မြေမြုတ်ထားပြီး ကိုယ်ဖြစ်ချင်တာ ဆုတောင်းပါ။ (၉)-ရက် ဆက်တိုက် ဆောင်ရွက် လိုက်ပါ။ မှတ်ချက်-(ရွက်လှ (၁၇)ညွန့် နှင့် မေမြို့(၅)ပွင့် မရပါက အခြားလွယ်ကူသော ဗုဒ္ဓဟူးနံ ကြာသပတေးနံ ပစ္စည်းများနှင့် အစားထိုးဆောင်ရွက်လို့ ရနိုင်ပါသည်။

ဗုဒ္ဓဟူးနံ-လာအောင် ချစ်အောင် ၀င်အောင်

အရင်ဆုံး တစ်ထွာလောက်ရှိတဲ့ စာရွက်တစ်ရွက်မှာ သင်ဖြစ်ချင်တာကို ရေးထားပါ။ မေမြို့(၅)ပွင့်၊ သပြေ (၂၁) ညွန့်ကို အစောန ဖြစ်ချင်တာ ရေးထားသောစာရွက်နှင့် ပတ်လိုက်ပါ။ အဲဒီအပေါ် မှာ ထန်းရွက်နှင့် ထပ်ပတ်လိုက်ပါ။ ပြီးရင် လေဓာတ်ရအောင် လေတိုက်တဲ့နေရာမှာ ချိပ်ထားလိုက်ပြီး ကိုယ်ဖြစ်ချင်တာ ဆုတောင်းပါ။ (၁၁)-ရက် ဆက်တိုက် ထားလိုက်ပါ။ မှတ်ချက်-(မေမြို့(၅)ပွင့်၊ သပြေ (၂၁) ညွန့်ကို မရပါက အခြားလွယ်ကူသောကြာသပတေးနံ သောကြာနံ ပစ္စည်းများနှင့် အစားထိုးဆောင်ရွက်လို့ ရနိုင်ပါသည်။

ကြာသပတေးနံ-လာအောင် ချစ်အောင် ၀င်အောင်

အရင်ဆုံး တစ်ထွာလောက်ရှိတဲ့ စာရွက်တစ်ရွက်မှာ သင်ဖြစ်ချင်တာကို ရေးထားပါ။ သပြေ (၂၁)ညွန့် နှင့် နှင်းဆီ(၁၀)ပွင့် ကို အစောန ဖြစ်ချင်တာ ရေးထားသောစာရွက်နှင့် ပတ်လိုက်ပါ။ အဲဒီအပေါ်မှာ အုန်းလက်နှင့် ထပ်ပတ်လိုက်ပါ။ ပြီးရင် ရေဓာတ်ရအောင် ရေထဲမှာမှာ စိမ်ထားလိုက်ပြီး ကိုယ်ဖြစ်ချင်တာ ဆုတောင်းပါ။ (၁၃)-ရက် ဆက်တိုက် ထားလိုက်ပါ။ မှတ်ချက်-(မေမြို့(၅)ပွင့်၊ သပြေ (၂၁) ညွန့်ကို မရပါက အခြားလွယ်ကူသော သောကြာနံ စနေနံ ပစ္စည်းများနှင့် အစားထိုးဆောင်ရွက်လို့ ရနိုင်ပါသည်။

သောကြာနံ-လာအောင် ချစ်အောင် ၀င်အောင်

အရင်ဆုံး တစ်ထွာလောက်ရှိတဲ့ စာရွက်တစ်ရွက်မှာ သင်ဖြစ်ချင်တာကို ရေးထားပါ။ နှင်းဆီ(၁၀)ပွင့် နှင့် အုန်း (၆)ညွန့် ကို အစောန ဖြစ်ချင်တာ ရေးထားသောစာရွက်နှင့် ပတ်လိုက်ပါ။ အဲဒီအပေါ်မှာ ချဉ်ကြိုးနှင့် ထပ်ပတ်လိုက်ပါ။ ပြီးရင် မြေဓာတ်ရအောင် မြေထဲမှာ မြှတ်ထားလိုက်ပြီး ကိုယ်ဖြစ်ချင်တာ ဆုတောင်းပါ။ (၅)-ရက် ဆက်တိုက် ထားလိုက်ပါ။ မှတ်ချက်-(နှင်းဆီ(၁၀)ပွင့် နှင့် အုန်း (၆)ညွန့် ကို မရပါက အခြား လွယ်ကူသော စနေနံနှင့် တနင်္ဂနွေနံ ပစ္စည်းများနှင့် အစားထိုးဆောင်ရွက်လို့ ရနိုင်ပါသည်။

စနေနံ-လာအောင် ချစ်အောင် ၀င်အောင်

အရင်ဆုံး တစ်ထွာလောက်ရှိတဲ့ စာရွက်တစ်ရွက်မှာ သင်ဖြစ်ချင်တာကို ရေးထားပါ။ အုန်း (၆)ညွန့် နှင့် ကံ့ကော် (၁၅)ညွန့်ကို အစောန ဖြစ်ချင်တာ ရေးထားသော စာရွက်နှင့် ပတ်လိုက်ပါ။ ပြီးရင် သံပုံးထဲမှာရေထည့် အဲဒီရေထဲမှာ ထည့်ထားလိုက်ပြီး ကိုယ်ဖြစ်ချင်တာ ဆုတောင်းပါ။ (၁၂)-ရက် ဆက်တိုက် ထားလိုက်ပါ။ မှတ်ချက်-(အုန်း (၆)ညွန့် နှင့် ကံ့ကော် (၁၅)ညွန့်ကို မရပါက အခြား လွယ်ကူသော ကြာသပတေးနံ သောကြာနံ ပစ္စည်းများနှင့် အစားထိုးဆောင်ရွက်လို့ ရနိုင်ပါသည်။ မရှင်းလင်းရင်ပဲ ဖြစ်ဖြစ် ကျွန်တော့်ဆီကို အီးမေးလ် ပေးပို့ပြီး မေးမြန်းနိုင်ပါတယ်။

၂၀၁၄-ခု ၊ ဇူလိုင်လအတွက် ကံကြမ္မာဟောစာတမ်း

တနင်္ဂနွေသားသမီးများအတွက်

အလှူအတန်းကိစ္စများ မုချလုပ်ရမည်။ ငွေအစုလိုက် အပုံလိုက် ၀င်လာလိမ့်မည်။ မိမိ၏ အလုပ်မှလည်းကောင်း၊ ထီပေါက်၍လည်းကောင်း ၀င်လာတတ်သည်။ ဤကာလမျိူးး၌ သာမန်အခြေအနေမျိုးမှနေ၍ စီးပွားအရှိန်အဟုန် နှင့်တက်ကာ လက်ရှိအခြေအနေထက် အဆပေါင်းများ စီးပွားတက်လိမ့်မည်။ မိမိလုပ်ငန်းများကို အင်နှင့် အားနှင့် တိုးချဲ့လုပ်ကိုင်သင့်သော်လည်း ဖြတ်လမ်းမလိုက်ရန် သတိပေးလိုပါသည်။ မိမိအား ပြဿနာလုပ်နေသူများ ရှိလျှင် အဆင်ပြေသွားမည်။ မသင့်မြတ်သူများနှင့် ပြန်လည်သင့်မြတ်သွားမည်။ အဖိုးတန်ကျောက် မျက်ရတနာများ ၀င်မည်။ အိမ်ထောင်ရှင်များ အိမ်ထောင်ရေးအတွက် သောကရောက်ရသော ကာလဖြစ်သည်။ အထက်လူကြီး၊ မိသားစု ကြီးကဲသူများကြောင့် စိတ်ညစ်ရမည်။ အတူနေမိသားစုထဲမှ အကြီးအကဲ အဘိုး အဘွားများအရေးဖြစ်တတ်သည်။ လူမျိုးခြား၊ နိုင်ငံခြားနှင့် ပတ်သက်သော ကိစ္စများ အကျိုးပေး အောင်မြင်မည်။ ခရီးများမကြာခဏ ထွက်ရတတ်သည်။ ထိုခရီးများသည်လည်း အကျိုးပေး အောင်မြင်လိမ့်မည်။ ၀န်ထမ်းဆိုလျှင် ရာထူးတက်ခြင်းအခြေအနေ မြင်တတ်ခြင်း ကြုံရလိမ့်မည်။ ပညာရေးကိစ္စများ သင်တန်းကိစ္စများကို အကြောင်းပြု၍ စိတ်ညစ်ရတတ်သည်။ ရွှေထွက်ခြင်း၊ ရွှေအတွက် ပြောဆိုဖြေရှင်းရခြင်းများ ကြုံရတတ်သည်။ အင်္ဂါနံ စိန်၊ စက်ပစ္စည်း ထွက်တတ်သည်။ ရွှေထည်ဝယ်လျှင် အသစ်များသာ ၀ယ်သင့်သည် အပျက် အဟောင်း မ၀ယ်သင့်ပါ။ အထူးသတိပြုရန် အောက်လက်ငယ်သား သားသမီး ထွက်သွားခြင်း၊ ၎င်းတို့အတွက် သောကရောက်ရခြင်းများ ကြုံ ရတတ်သည်။ ဆီးရောဂါ၊ မျက်စိရောဂါများ ဒုက္ခပေးခြင်း၊ အစားမှားခြင်း၊ ဆေးမှားခြင်းများ ကြုံရတတ်သည်။ စာရွက်စာတမ်း စာချုပ်ကိစ္စ များအတွက်စိတ်ညစ်ရခြင်း၊ ပစ်စာ တိုင်စာ ရောက်ခြင်းများ ကြုံရတတ်သည်။ ဆွေမျိုးသားချင်းများကို ကောင်းစွာ အကူအညီ ပေးနိုင်လိမ့် မည်။ လက်ရှိအလုပ်အကိုင်ကို စိတ်မ၀င်စားခြင်း၊ အလုပ်ပြောင်းလိုစိတ်များ ကြုံလာတတ်သည်။ အိမ်ဝယ်နိုင်သော် လည်း အိမ်အနားအဆာ မလွတ်၊ အိမ်ဧည့်သည်မပြတ်၊ အိမ်ဆောက်လျှင် တန်းလန်းဖြစ်တတ်သည်။ ခိုင်မာသော စီးပွားရေးလုပ်ငန်းများ တည်ဆောက်ထားပါ။ ရရှိသော အကြွေးများကို ယခုကာလတွင် ကြိုတင်စုဆောင်းထားပါ။ သို့မဟုတ်ပါက ဆုံးတတ်သည်။ ဤကာလအတွင်း ကောင်းကျိုးချမ်းသာများ ပိုမိုရရှိလာစေရန်နှင့် အညံ့အခိုက်များ သက်သာပြေပျောက်စေရန် အောက်ပါယတြာများကို ဂရုစိုက်ပြုလုပ်ပါလေ။ ထီးဖြူအသေးသက်စေံနှင့် ထီးဖြူအကြီး တစ်လက်ကို မွေးနေ့နက်တွင် ဘုရားလှူပါ။ အမွှေးနဲ့သာနှင့် ဘုရားအားရေသပ္ပာယ်ပါ။

တနင်္လာသားသမီးများအတွက်

ဘုရားဆင်တုတော်၊ ပုံတော်၊ ရဟန္တာပုံတော်များ ကြွလာတတ်သည်။ မထင်မှတ်သော ခရီးများ မရည်ရွက်သော ခရီးများသွားရတတ်သည်။ သူတစ်ပါးကိစ္စအတွက် ခရီးသွားရတတ်သည်။ လူမျိုးခြားက ကူညီခြင်း၊ နိုင်ငံရပ်ခြားနှင့် ပတ်သက်သောကိစ္စများ အောင်မြင်ခြင်းများကြုံမည်။ နာမည်ဂုဏ်သတင်း တိုးတက်ခြင်း ဘုန်တန်ခိုး တိုးတက်ခြင်းများ ကြုံရမည်။ မနာလိုသူလည်း ပေါ်လိမ့်မည်။ မိမိထက်မြင့်သူနိမ့်သူ နှစ်ဦးလုံးက ဒုက္ခပေးလာတတ် သောအချိန် ဖြစ်ပါသည်။ လုပ်ဖော်ကိုင်ဘက်များ အောင်မြင်တော့မလိုလိုနှင့် အခက် အခဲကြီးစွာ ကြုံတတ်သည်။ အလုပ်တွင် အပျက်စီးအဆုံးရှုံး အလေအလွင့် များနေလိမ့် မည်။  ငွေပျောက်ခြင်း ကြွေးတင်ခြင်း ငွေအတွက် ပြောဆိုဖြေရှင်းရခြင်းများ ကြုံရတတ်သည်။ ကြီးကဲသူ အထက်လူကြီးများကြောင့် စိတ်ညစ်ရတတ်သည်။ အလှူပွဲ မင်္ဂလာပွဲ အစီစဉ်များ အထစ်အငေါ့ကြုံခြင်း ရက်ရွှေ့ခြင်းများ ကြုံရတတ်သည်။ အိမ်ထောင်ရှိသူဆိုလျှင် အိမ်ထောင်ရေးအဆင်မပြေ ဖြစ်နေမည်။ လက်ရှိအလုပ်အကိုင် ပြောင်းချင်စိတ်ပေါ်လာမည်။ ပြောင်းလျှင် ပိုဆိုးသွားတတ်သည်။ အထူးသတိပြုရန် ။ အစာအဆိပ်ဖြစ်ခြင်း၊ ခြေထောက် ခါး၊ သွား ဒုက္ခပေးခြင်းများ ကြုံရတတ်သည်။ ဤလအတွင်း အမှုအခင်း မဖြစ်စေရန် အထူးဂရုစိုက်ပါ။ ဖြစ်လျှင် မပြီးနိုင်ဘဲ ဖြစ်နေတတ် သည်။ ငွေနှင့်လိုက်လျှင် ရှုံးသွားတတ်ပါသည်။ ပစ္စည်း မဌားရမ်းပါနှင့် ဆုံးလိမ့်မည်။ ဤကာလအတွင်း မည်သည့်အခက်အခဲနှင့် ကြုံသည် ဖြစ်စေ အားကိုး မရှာနှင့်။ ဒုက္ခပေးမည့်သူများသာ ပေါ်လာတတ်သည်။ အောက်လက်ငယ်သား ထွက်သွားခြင်း၊ ကျန်းမာရေးညံ့ခြင်း ကြုံရ တတ်သည်။ ထီကံကောင်းသော ကာလဖြစ်ပါသည်။ ပညာအသစ်တစ်ခု ရတတ်သည်။ အိမ်ထောင်ဘက် ကျန်းမာရေး ညံ့လိမ့်မည်။ ခါး အောက်ပိုင်း ဒုက္ခပေးတတ်သည်။ ဆေးရုံ၊ ဆေးခန်းသို့သွားရတတ်သည်။ ကျောဒုက္ခပြေးခြင်း၊ ကျော၌ရောဂါရခြင်း ဖြစ်မည်။ အိမ်ပြင်၊ အိမ် ဆောင်၊ အိမ်ပြောင်း မပြုပါနှင့်။ အာမခံမလုပ်ပါနှင့်။ စပ်တူအရောင်းဝယ် အကြီးအကျယ် မလုပ်ပါနှင့်။ ဤကာလအတွင်းကောင်းကျိုးချမ်း သာများ ပိုမိုရရှိလာစေရန်နှင့် အညံ့အခိုက်များ သက်သာပြေ ပျောက်စေရန် အောက်ပါယတြာများကို ဂရုစိုက်ပြုလုပ်လေ။ နေ့စဉ်ခန္ဓာကိုယ် သန့်ရှင်းရေး၊ အိမ်သန့်ရှင်းရေး လုပ်ပါ။ သောက်ရေအိုး ကိုယ်တိုင် ရေထည့်ပါ။ တစ်ပတ်တစ်ကြိမ်အဓိဋ္ဌာန်ဝင်ပါ။

အင်္ဂါသားသမီးများအတွက်

ခရီးတိုး ခရီးရှည်များ သွားနေရလိမ့်မည်။ ထိုခရီးသည်များသည်လည်း သင့်အတွက် ကျိုးထူးစေပါလိမ့်မည်။ မထင်မှတ်ဘဲ ပညာတစ်ခုသင်ကြားရခြင်း သင်တန်းတစ်ခု တက်ရခြင်းများ ပြုလုပ်ရတတ်ပါသည်။ မရည်ရွယ်ဘဲ မြေ၀င်တတ်သည်။ ဤလအတွင်း အစစအရာရာသတိကြီးစွာထား ရန် လိုပါသည်။ မိမိအပေါ် မကောင်းကြံခြင်း မကောင်းပြောခြင်းများ ခံရတတ်သည်။ အလုပ်အကိုင်၌ ထိုခိုက်တတ်သည်။ ပြဿနာကြီးစွာ ဖြေရှင်းရတတ်သည်။ ရုံးပြင်ကန္နာ၊ အမှုအခင်းများနှင့် ပတ်သက်ရတတ်သည်။ မိမိနှင့်တကွ မိသားစုပါကျန်းမာရေး ညံ့တတ်သည်။ ဆေးရုံ၊ ဆေးခန်းအထိ ရောက်ရတတ်သည်။ မီး၊ လျှပ်စစ် ဒုက္ခပေးတတ်သည်။ အထူးသတိပြုပါ။ လူမျိုးခြား ဒုက္ခပေးတတ်သည်။ သားသမီး လက်အောက်ငယ်သားအတွက် စိတ်ညစ်စရာကြုံမည်။ စက်ပစ္စည်း ဒုက္ခပေးတတ် သည်။ ရွှေနှင့် ရတနာပစ္စည်းများ ထွက်ခြင်း၊ ပေါင်နှံရခြင်းများ ကြုံရတတ်သည်။ ငွေဒလဟောထွက်ခြင်း၊ ငွေအတွက် ပြောဆိုဖြေရှင်းရခြင်းများ ကြုံရတတ်သည်။ မထင်မှတ်သော ဆွေမျိုးသားချင်းက အကူအညီကောင်း ပေးလိမ့်မည်။ ဌာနဆိုင်ရာ အကြီးအကဲ၊ ဆွေမျိုးအကြီးအကဲတို့က အကူအညီအကောင်း ပေးလာလိမ့်မည်။ အထူးသတိပြုရန် ကျန်းမာရေးညံ့သော သက်ကြီးရွယ်အိုများ အိမ်သို့ လာရောက်တည်းခိုလျှင် ဆုံးပါးသွားတတ်သည်။ ခြေထောက် တွင်အန္တရာယ်ဖြစ်တတ်သည်။ လုပ်ငန်းအသစ်၊ အစီအစဉ်သစ်များ ပေါ်ပေါက်လာတတ်သည်။ ယခင်နှစ်များက ကျန်ခဲ့သော ရွှေ၊ငွေ၊ရတနာများ ယခုနှစ်ထဲတွင် ကုန်ဆုံးသွားတတ်သည်။ လောကဓံတရား၏ မတရားညှဉ်းပမ်းမှုကို ခံရပြီး မမျှော်လင့်ဘဲ သံဝေဂတရား ရလိမ့်မည်။ အစစ်အဆေး အမေးအမြန်း ခံရတတ်သည်။ ကိုယ်ခန္ဒာ အစိတ်အပိုင်း တစ်ခုခု ထိခိုက်တတ်သည်။ ဤကာလအတွင်း ကောင်းကျိုးချမ်းသာများ ပိုမိုရရှိလာစေရန်နှင့် အညံ့အခိုက်များ သက်သာပြေပျောက်စေရန် အောက်ပါယတြာများကို ဂရုစိုက်ပြုလုပ်ပါလေ။ ထီးနီသက်စေ့လှူပါ။ ဆေးဝါးဓာတ်စာလှူပါ။

ဗုဒ္ဓဟူးသားသမီးများအတွက်

ဤလအတွင်း စိန်ထည်ပစ္စည်းများ စက်ပစ္စည်းများ ၀င်လိမ့်မည်။ လုပ်ငန်းသစ်လုပ်ရန် အကြံအစည်ကောင်းများ အဆက် အဆက်သွက်ကောင်းများ ပေါ်လာလိမ့်မည်။ သို့သော် ဤကာလအတွင်း ပစ္စည်များကို ထုခွဲရောင်းချ၍ လုပ်ငန်းအသစ် ကြီးကြီးမားမား စရန် မကောင်းသေးပါ။ ဤကာလအတွင်း ထီမထိုးသင်ပါ။ ထီပေါက်လျှင် မိသားစုအတွင်း ကျန်းမာရေး ဆိုးဆိုးဝါးဝါး ညံ့သွားတတ်သည်။ မသွားချင်သော ခရီးများ စိတ်ညစ်စရာခရီးများ သွားရတတ်သည်။ အထက်လူကြီး ဆွေမျိုးအကြီးအကဲတို့က မိမိအပေါ် အထင်လွဲတတ်သည်။ သားသမီးများ ကျန်းမာရေး ညံ့တတ်သည်။ ရွှေထွက်မည်။ ခြေ၊ လက်၊ မျက်ခြင်း၊ ခါးနားခြင်းများ ဖြစ်တတ်သည်။ စပ်တူရှယ်ယာလုပ်ငန်းများ ပေါ်လာလိမ့်မည်။ လုပ်လျှင် အောင်မြင်မည်။ အထူးသတိပြုရန် ငွေလူလိမ်ခံရမည်။ ခင်မင်သူ ချစ်သူကြောင့် ဒုက္ခတွေ့တတ်သည်။ မိတ်ဆွေအပေါင်းအသင်း များနှင့် မမျှော်လင့်ဘဲ လမ်းခွဲရတတ်သည်။ သားသမီးရှိက အိမ်မှ ထွက်သွားလိမ့်မည်။ ဒီကာလမှာ ကိုယ်ဝန်ဆောင် မိန်းမတွေ အထူးသတိပြုပါ။ မွေးလျှင် အခက်အခဲတွေ့နိုင်သည်။ သူ့သဘော သူဆောင် ရလာသောငွေနှင့် လိုက်လျောညီထွေဖြစ်အောင် နေပါ။ ဘာမှလုပ်စရာ မရှိပါက ထိုင်နေပါ။ ဥာဏ်ကို ဥာဏ်သုံးလုပ်မှ ဒုက္ခတွေ့တတ်သည်။ အမှု မဖြေရှင်းရပါ။ တတ်နိုင်သလောက် အချိန်ဆွဲပါ။ မဖြစ်မနေ ပြဿနာမှုတွေ ရှင်းရမယ်ဆိုလျှင် အရှုံးပေးလိုက်ပါ။ ငွေဝင်လာလျှင် မြေ၀ယ်ထားပါ။ အိမ်ကြီးကြီးကျယ်ကျယ် မဆောက်ပါနှင့် ဤကာအတွင်း ကောင်းကျိုးချမ်းသားများ ပိုမိုရရှိလာစေရန်နှင့် အညံ့အခိုက်များ သက်သာပြေ ပျောက်စေရန် အောက်ပါယတြာများကို ဂရုစိုက်ပြုလုပ်ပါလေ။ အိမ်ကဘုရားတွင် ကောဖီ (၁)ခွက်နှင့် ကိတ်မုန့်(၁) ချပ် ကပ်လှူလိုက်ပါ။

ကြာသပတေးသားသမီးများအတွက်

ဤလအတွင်း၌ သင်သည် အဘက်ဘက်မှာ စိတ်ချမ်းသာစရာများ ကြုံတွေ့လာရလိမ့်မည်။ ယခုကာလတွင် အိမ်ထောင်ပြုပါက တည်မြဲသော အိမ်ထောင်မဖြစ်နိုင်၊ အိမ်ထောင်ပြုလျှင် သားသမီး ပါလာတတ်သည်။ လုပ်ငန်းသစ်များ စတင်ရတတ်သည်။ ထိုလုပ်ငန်းများသည်လည်း လွန်စွာကျိုးပေး အောင်မြင်မည်။ အလှူအတန်းပြုရခြင်း၊ မင်္ဂလာပွဲများ စီစဉ်ပေးရခြင်းများ ပြုလုပ်ရတတ်သည်။ အလုပ်နေရာ အိမ်နေရာ ပြောင်းရွှေ့ရတတ်သည်။ ရွှေဝင်မည်။ ရတနာပစ္စည်းများ ၀င်မည်။ ဘုရားဆင်းတုတော်၊ ပုံတော်များ ကြွလာမည်။ သင့်အတွက် အလွန်ကောင်းသောနိမိတ် ဖြစ်ပါသည် ဤကာလအတွင်း၌ စီးပွားအလွန်ကောင်းသကဲ့သို့ ကိုယ်ကျင့်တရား အထူးအရေးကြီးသော အချိန်ဖြစ်ပါသည်။ အမှုအခင်ဖြစ်နေသူကို ငွေမချေးပါနှင့်၊ အာမခံ မလိုက်ပါနှင့်၊ သတိပြု၍ ရှောင်ကြဉ်ပါ။ ပတ္တမြား မြ ထွက်တတ်သည်။ အထူးသတိပြုရန် အိမ်ထောင်ရှိသူဆိုလျှင် အိမ်ထောင်ဘက်နှင့် အဆင်မပြေ ကြီးစွာဖြစ်တတ်သည်။ သွပ်၊ သံ၊ သစ်တစ်ပတ်ရစ် ပစ္စည်းလက်မခံပါနှင့်၊ အောက်လက်ငယ်သား ဒုက္ခပေးတတ်သည်။ နာရေးကိစ္စကို အကြောင်းပြ၍ ခရီးသွားရတတ်သည်။ ဆရာသမားကဲသို့သော ပုဂ္ဂိုလ်များနှင့် အဆင်မပြေ ဖြစ်မည်။ လုပ်ဖော်ကိုင်လက်များ မိတ်ဆွေများနှင့် အဆင်မပြေ လမ်းခွဲ ရတတ်သည်။ ယခုကာလတွင် အိမ်ဆောက်လျှင် မကောင်းပါ အစားမှား ဆေးမှားဖြစ်ခြင်း သွားဒုက္ခပေး ခြင်းများ ကြုံရမည်။ မြေကိစ္စ အမွေနှစ်ကိစ္စများကြုံရတတ်သည်။ ငွေရှာရ လွယ်ကူပေမယ့် စုဆောင်း၍ မရ၊။ ငွေဝင်လျှင် ကိုင်မထားရ၊ ရွှေဝယ်ထားပါ။ ဤကာလတွင် ကိုယ်စိတ်နှုတ်သုံးပါးကို မဖောက်မပြန် တည်တည် ကြည်ကြည် ထ်ိန်းသိမ်းနိုင်သူတွေ တန်ဖိုးကြီးမားသော ဘ၀သို့ ရောက်နိုင်သည်။ မထိန်းသိမ်းနိုင်သူ အဖို့ ရေနှင့်ထိသော ရွှံ့နွံဘ၀ ရောက်နိုင်သည်။ ဤကာလအတွင်း ကောင်းကျိုးချမ်းသာများ ပိုမိုရရှိလာစေရန်နှင့် အညံ့အခိုက်များ၊ သက်သာပြေပျောက်စေရန် အောက်ပါယတြာ များကို ဂရုစိုက်ပြုလုပ်ပါလေ ။ ယပ်ဖြူ သက်စေ့လှူပါ။ ဘုရားရင်ဘတ်တော် ရွှေချပါ၊ ရေသက်စေ့ကပ်လှူပါ။

သောကြာသားသမီးများအတွက်

ယခုလသည် မိဘကို ကောင်းစွာပြုစုစောင့်ရှောက်နိုင်မည့်အချိန် ဖြစ်သည်။ စီးပွားသိသိသာသာ တက်မည်။ သိကြားမ လိုက်သကဲ့သို့ လက်ရှိအခြေအနေထက် များစွာမြင့်တက်သွားလိမ့်မည်။ လုပ်ငန်းများ သိသိသာသာ အောင်မြင်မူရမည်။ လုပ်ငန်သစ်များ စတင်ပြု လုပ်နိုင်သော ကာလ၊ လုပ်ငန်းဟောင်းများ ပြန်ပေါ်တတ်သည်။ ဘုရားဖူးခရီးများ စိတ်ချမ်းသာစရာခရီးများ ပြည်တွင်းပြည်ပခရီးများ သွားတတ်သည်။ ၀န်ထမ်းဖြစ်လျှင် ရာထူးတက်ခြင်း အခြေအနေ အဆင့်အတန်း မြင့်တက်ခြင်းများကြုံမည်။ သင်တန်းတစ်ခု တက်ရခြင်း ပညာကောင်း ရခြင်းများ ကြုံမည်။ မိတ်ဆွေကောင်း ဆရာကောင်များ တွေ့မည်။ အဖိုးတန်စက်ပစ္စည်များဝင်မည်။ မြေကိစ္စ၊ အမွေကိစ္စများ အဆင်ပြေမည်။ ငွေရှာရလွယ်ခြင်း ငွေအ၀င်အထွက် ကြမ်းခြင်းများ ကြုံလိမ့်မည်။ ရပ်ဝေးမှစာများ အဆက်အသွယ်များ ရလာမည်။ ရန်များခြင်း စကားများဖြေရှင်းရခြင်း ရင်နှီးသူများ လုပ်ဖော်ကိုင်ဘက်များနှင့် အဆင်မပြေလမ်းခွဲရခြင်းများ ကြုံမည်။ အထူးသတိပြုရန် အလုပ်တွင် အတိုက်အခံ အနည်းငယ်ကြုံရတတ်သည်။ အမှုအခင်း ရုံပြင်ကန္နားနှင့် ပတ်သက်ရတတ်သည်။ စိုးရိမ်စရာ မရှိပါ။ အကြီးအကဲ ကောင်းရနိုင်၏။ အိမ်ထောင်ရှိသူဆိုလျှင် အိမ်ထောင်ဖက် စိတ်ညစ်ရတတ်သည်။ ဆွေမျိုးသားချင်းများ ကျန်းမာရေး အသည်းအသန် ဖြစ်တတ်သည်။ လာမည့် မွေးလ မွေးရက်အထိ အသုဘပို့ခြင်း မပြုပါနှင့် အထူးသတိပြုပါ။ နှလုံးနှင့် ပတ်သက်၍ ကျန်းမာရေးညံ့ခြင်း။ လေနှင့် ပတ်သက်၍ ကျန်းမာရေးညံ့ခြင်း ဒူး နား ဒုက္ခပေးခြင်းများ ကြုံရတတ်သည်။ စပ်တူရှယ်ယာလုပ်ငန်းများ ပေါ်လိမ့်မည်။ လုပ်လျှင်အောင်မြင်မည်။ ကိုယ်ပိုင်လုပ်ငန်းဖြစ်စေ၊ ၀န်ထမ်းဖြစ်စေ ကြီးပွားတိုးတက်အောင်မြင်မည့်ကလာ ဖြစ်ပါသည်။ ဤကာလအတွင်း ကောင်းကျိုးချမ်းသာများ ပိုမိုရရှိလာစေရန်နှင့် အညံ့အခိုက်များ သက်သာပြေပျောက်စေရန် အောက်ပါ ယတြာများ ကို ဂရုစိုက်ပြုလုပ်ပါလေ။ ဘုရားဖူးခရီးသွားပါ၊ ခရီးစရိတ်ပြတ်နေသူကို ငွေလှူပါ၊ မွေးနေ့တိုင်း အိပ်ရာရွှေ့ ပြောင်း၍အိပ်ပါ။

စနေသားသမီးများအတွက်

အလုပ်နေရာ၊ အိမ်နေရာ ပြင်ဆင်မွမ်းမံရခြင်း ပြောင်းရွှေ့ရခြင်း လုပ်ရတတ်သည်။ အိမ်သစ်ဆောက်လျှင် ကောင်းအချိန် ဖြစ်သည်။ လုပ်ငန်းအသစ်ပေါ်ခြင်း (သို့မဟုတ်) လက်ရှိအလုပ်နှင့် ပတ်သက်၍ အဆက်အသွယ်သစ်များ။ ပေါ်လာလိမ့်မည်။ လုပ်ငန်းနှင့် ပတ်သက်၍ နာမည်ကောင်းရခြင်း နေရာကောင်းရခြင်း၊ လုပ်ငန်းတိုးချဲ့ရခြင်းများ လုပ်ရတတ်သည်။ အိမ်ထောင်မရှိသူများ အိမ်ထောင်ကျတတ်သော ကာလဖြစ်သည်။ ဇာတာရှင်သည် ယောက်ျားဖြစ်ပါက အိမ်ထောက်ကျလျှင် ကောင်းပါသည်။ မင်္ဂလာဆောင်လျှင် စည်ကားသော မင်္ဂလာဆောင်ဖြစ်မည်။ အိမ်ထောင်ပရိဘောဂ အိမ်သုံးပစ္စည်း ၀င်တတ်သည်။ သူခိုး၊ မျက်စေ့ အကျခံရတတ်သော ကာလဖြစ်၍ သူခိုး အခိုးခံရတတ်ကြောင်း သတိပြုပါလေ။ ခရီးအကျိုးပေးသော ကာလဖြစ်ပါသည်။ ဘုရားဖူးခရီး သွားရတတ်သည်။ ကွဲကွာနေသော ဆွေမျိုးသားချင်းများနှင့် ပြန်ဆုံမည်။ ရပ်ဝေးမှ ဆွေမျိုးသားချင်းများ ရောက်လာတတ်သည်။ အိမ်သို့ အတောင်ပါသော သတ္တ၀ါများ ၀င်လာတတ်သည်။ ၀င်လျှင် နိမိတ်ကောင်းသည်။ သွပ် သံ သစ် စသော သောကြာနံပစ္စည်းများ ၀င်လာတတ်သည်။ အထူးသတိပြုရန် မိတ်ဆွေရင်း လုပ်ဖော်ကိုင်ဘက်တို့က ဒုက္ခပေးတတ်သည်။ မြေကို အကြောင်းပြု၍ စိတ်ညစ်ရတတ်သည်။ မြေအ ၀င်မခံရပါ။ မြေ၀င်လျှင် ကြာသပတေးနံ ထုတ်ပစ်ပါ။ ပညာရေးနှင့် ပတ်သက်သောပစ္စည်း လှူဒါန်းပါ။ ရွှေနှင့် အဖိုးတန် ရတနာပစ္စည်းများ ၀င်လာမည် ဘုရာဆင်းတုတော် စွယ်တော် ရဟန္တာပုံတော်များ ကြွလာတတ်သည်။ လက်ဝတ်ရတနာများ ကျောက်ပြုတ်ထွက်ခြင်း ပျောက်ခြင်း၊ ဖြစ်တတ်သည်။ အလုပ်တွင် အတိုက်အခံ အပြိုင်အဆိုင် ကြီးစွာကြုံမည်။ အတိုက်အခံမှန်သမျှ အနိုင်ရမည်။ မိသားစု အကြီးအကဲ လုပ်ငန်းအကြီးအကဲ တို့ကြောင့် စိတ်ညစ်ရတတ်သည်။ အထူးသဖြင့် ဖခင် ကျန်းမာရေး ညံ့တတ်သည်။ ထီပေါက်သကဲ့သို့ ငွေများဝင်တတ်သည်။ ဤကာလအတွင်း ကောင်းကျိုးချမ်းသာများ ပိုမိုရရှိလာစေရန်နှင့် အညံ့အခိုက်များ သက်သာပြေပျောက်စေရန် အောက် ပါယတြာများကို ဂရုစိုက်ပြုလုပ်ပါလေ။ အုန်းထမင်း၊ အုန်းနို့နှင့်ချက်ထား သော ဘဲသားဟင်းကို ဘုန်းကြီးလှူပါ၊ တံခွန်းကုက္ကား မလေးပွား ဂြိုလ်တိုင်သက်စေ့လှူပါ

(၇)-ရက်သားသမီးများ ကံမနိမ့်အောင်

တစ်နေ့သ၌ ကျွန်ုပ်ထံသို့ မြန်မာ့ ရုပ်ရှင် မဂ္ဂဇင်းကို ထုပ်လုပ်သော မေသင်းခိုင် ရောက်လာ၏။ ထို့နောက် ၎င်းက ကျွန်ုပ်အား တွေ့လျှင် တွေ့ချင်း... " မြန်မာ့ ရုပ်ရှင် အတွက် ဘာရေးပေးမှာလဲ" ဟု မေးလေ၏။ ထိုအခါ ကျွန်ုပ်က....

ဒီလိုရှိတယ် သမီး။ ရုပ်ရှင် သရုပ်ဆောင်ပဲ ဖြစ်ဖြစ် ၊ ဘယ်သူပဲ ဖြစ်ဖြစ်ပေါ့ကွယ် ၊ အလုပ် အကိုင်ဟာ တစ်သမတ်တည်း ကေင်းနေတာ မဟုတ်ဘူး။ ကောင်းတဲ့ အခါ ရှိသလို မကောင်းတဲ့ အခါလည်း ရှိတယ်ကွဲ့။ အဲဒါ သဘာဝပဲ။ အန်ကယ့် အတွေ့အကြုံအရ ပြောရရင်တော့ အဲဒီလို အခါမျိုးမှာ ခုသာ ခံသာဖြစ်အောင် ဘုရားနဲ့ ပတ်သက်တဲ့ ယတြာလို့ပဲ ပြေပြော ၊ ဆွမ်းတော် ကပ်တာလို့ပဲ ပြောပြော အဲဒါလေး လုပ်လိုက်ရင် ထူးခြား လာတာကို တွေ့ရတယ်"ဟု ကျွန်ုပ်က ပြောလိုက်လျှင် : အဲဒါလေးပဲ ရေးပေးပါ"ဟု ပြောသဖြင့် ကျွန်ုပ်သည် အောက်ပါအတိုင်း ရေးပေးလိုက်လေ၏။

 တနင်္ဂနွေ သားသမီးဖြစ်သော် ငှက်ပျောသီး ဆယ်လုံး အခွံနွာ၍ ပန်းကန်ပြား တွင် ထည့်ပါ။ အပေါ်မှ သကြားဖြူး ပါ။ တနင်္ဂနွေနေ့ နံက် (၉း၄၅) တွင် အိမ်ဘုရားစင်၌ ဆွမ်းတော် ကပ်ပါလေ...။

 တနင်္လာ သားသမီး ဖြစ်သော် ပန်းကန်လုံးတွင် ဇီးသီးအပြည့် ထည့်၍ တနင်္လာနေ့ နံက် (၉း၄၅)တွင် အိမ်ဘုရားစင်၌ ကပ်လှူပါလေ။

 အင်္ဂါ သားသမီး ဖြစ်သော် ကြွေပန်းကန်ပြား အတွင်း၌ လက်ဖက် အသားချဉ်း ငါးပုံ ပုံ၍ အင်္ဂါနေပ နံက် (၉း၄၅) မိနစ်တွင် မိမိ အိမ်ဘုရားစင်၌ ကပ်လှူ ပူဇော်ပါလေ။
 
ဗုဒ္ဓဟူး သားသမီး ဖြစ်သော် ပန်းကန်ပြား သုံးချပ်၌ ပဲ ပြုတ်များ ထည့်ကာ ဗုဒ္ဓဟူးနေ့နံက် (၉း၄၅) တွင် မိမိ အိမ်ဘုရား၌ပင် ကပ်လှူ ပူဇော်ပါလေ။

 ကြာသပတေး သားသမီးဖြစ်သော် သရက်သီး (၆)စိပ်ကို ကြာသပတေးနေ့ နံက် (၉း၄၅) တွင် မိမိ အိမ်ဘုရား စင်၌ ကပ်လှူ ပူဇော်ပါလေ...။

 သောကြာ သားသမီး ဖြစ်သော် ဖန်ခွက် ရှစ်ခွက်ဖြင့် နွားနို့ စစ်စစ်ကို အစိမ်း အတိုင်းထည့်၍ သောကြာနေ့ နံက် (၉း၄၅)တွင် မိမိ အိမ်ဘုရား၌ပင် ကပ်လှူ ပူဇော်ပါလေ...။

 စနေ သားသမီးဖြစ်သော် အုန်းသီးကို ခြစ်၍ ပန်းကန်ပြား အသေး ရှစ် ပန်းကန်တွင် ခွဲ၍ ထည့်ပြီး စနေနေ့ နံက် (၉း၄၅)တွင် မိမိ အိမ်ဘုရား၌ ကပ်လှူ ပူဇော်ပါလေ...။ (အဘမင်းသိင်္ခယတြာများ)

 

စာအုပ်များအမှတ်စဉ်(၁)အုပ်ရေ(၅၀၀)

စာအုပ်များ အမှတ်စဉ်(၃) အုပ်ရေ (၅၀၀)

စာအုပ်များအမှတ်စဉ် (၂) အုပ်ရေ (၅၀၀)